***::অনুভৱত মাথো তোমাৰেই পায়চাৰি, পিছে দিঠতহে তোমাক নাপাও বিছাৰি::***

-----------------------------------------------------

১)
নাজনো তোমাৰ উতাল যৌৱনৰ মতলীয়া নিছাত
আছে কি এনে বুজিব নোৱাৰা ব্যৱস্থা,
সমুখত ধৰা দিলেই মোৰ,
ট্রেফিকৰ মাজত বাইকৰ ষ্টার্ট নোহোৱাৰ দৰেই হয় অৱস্থা।।
২)
প্রথম দেখাতেই ওঁঠৰ ৰঙচুৱাই
কলিজাত আঁকিলে ভালপোৱা গোপনে,
কজলা চকুৰ গভীৰতাত কেতিয়াবা ডুবু কেতিয়াবা ওপঙো
যেনেকৈ মাত্র ১ ঘন্টাৰ বৰষুনতে গোটেই গুৱাহাটী ওপঙে।।
৩)
ভাৱনাত তুমি তহল দিলেই
যৌৱনে বৰকৈ আমনি কৰে গাত,
পিছে মনৰ কথা ক’ও বুলিলেই
টেপত কেছটৰ ৰীল ফঁচাৰ দৰেহে ওলাই দেখোন মাত।।
৪)
তোমালে বাট চাই চাই কলিজাত
অলেখ অযুত সপোন জাগে,
অপেক্ষাৰ ক্ষনবোৰ হে নাযায় নুপুৱাই
কিবা স্ল নেটত ফেছবুক কৰি থকা যেন লাগে।।
৫)
পিছে প্রেমৰ খেল পার্গতালিৰে খেলিবলে
নহ’লো চালমান খান নাইবা ৰণবীৰ কাপুৰ,
ইজনীয়ে এৰিলে সিজনীয়ে লথিয়ালে
হৈ ৰ’লো বিয়াঘৰৰ হাতমোছা কাপোৰ।
৬)
পকেট উদং কৰি মিছা মৰম যাঁছি
গুছি গ’লি কামোৰ মাৰি বুকুত,
যি কোনো প্রকাৰে পাহৰিব খোজো সেই বিষ
যেনেকৈ পাহৰিলো আমি অর্কুট।
৭)
হিয়া দিলো হিয়া ল’লা
পিছে ধনী ল’ৰা পাই মোক দুদিনতে পাহৰিলা
এনে লাগিল, আগদিনা ফ্লিপকার্টত অন্তৰখন কিনি
পিছ দিনা অ’ এল এক্সট বেছি দিলা।
৮)
আবেলিৰ বতাহ জাকত
আগলি কলাপাত লৰে কি চৰে
সন্ধ্যা লাগিলেই তোমাৰ স্মৃতিবোৰ
টিভিত এডভাৰটাইজৰ দৰে ৫ মিনিটৰ মুৰে মুৰে আহিব ধৰে ।।
৯)
দুখৰ পথাৰত বলে হুমুনিয়াহৰ মলয়া এজাক
তাৰ মাজতে হেঁপাহে মাথো তোমাকে ৰিঙিয়াই,
প্রেমৰেই খেলা চাগে এয়া, গুগুলত লিংক বিছাৰি তোমাৰ
টৰেন্টতেৰে পাৰমেন্টলি ডাওনলোড কৰি পেলাবৰ মনযায়।।
১০)
বিশেষ নাই বিছাৰো মাথো
একাজঁলি চেনেহ এষাৰি মৰমৰ মাত
নামৰূপ সাৰ কাৰখানাৰ দৰেই পাৰ হৈছে সময়
মাথো এটি ভাল দিনৰ অপেক্ষাত ।।