:::আকৌ বাঁকৰ বচন-২:::

১.
অনাহকত উঠা ক্রোধ
আৰু
হকে বিহকে কৰা পথ অৱৰোধ
এই দুয়োটাই একোৰে সমাধান দিব নোৱাৰে,বৰং সমস্যাত হে পেলাই।
২.
গৰুৰ আগত টোকাৰি বজোৱা
আৰু
নিজকে চেলিব্রেটী বুলি ভবা ছোৱালীক ফ্রেন্দৰিকুৱেষ্ট পঠোৱা
দুয়োটাৰ একেই পৰিণাম - 'অবাবত সময় নষ্ট।'
৩.
চৰকাৰী আচনি
আৰু
দিস্ক’ বাৰত নছা নাছনী
দুয়োটাৰে বিশেষত্বটো হ’ল কেৱল
এক বিশেষ শ্রেণী মানুহেহে ইয়াক উপভোগ বা ইয়াৰ লাভ উঠাব পাৰে।
৪.
ভাল প্রিন্ট আউট এটা লবলে কার্টিজত ইংকৰ
আৰু
আজিৰ তাৰিখত যি কোনো কাম সিজাবলে এটা ভাল লিংকৰ খুবেই প্রয়োজন
৫.
ফুটবল খেলত বেগিৰ
আৰু
বৰলাৰ পাকঘৰত মেগীৰ...
প্রয়োজনীয়তা আৰু অৱদান বুজাইহে ভালকে বুজে....
৬.
বানপানীয়েই হওক
বা
চকুৰ পানীয়েই হওক
বিপদ সীমাৰ ওপৰ হ’ব নালাগে কাহিনিও অন্যথাই অথন্তৰ ঘটাটো খাটং
৭.
মেহেন্দীৰ ৰং
আৰু
বন্ধুৰ ওপৰত উঠা খং...
এই দুটাৰ এটাও চিৰস্থায়ী নহয় কিছুদিন পিছতে উৰি গুছি যায়
৮.
পাবত গজা ছাত্র সংগঠন
আৰু
চুইছ বেংকত থকা ক’লা ধন...
আজিৰ তাৰিখৰ অন্যতম সমাজিক ব্যাধি
৯.
ফোনৰ সিপাৰৰ অচিন চিনাকী ষোড়শীৰ মৌ মিঠা মাত
আৰু
কাষৰ বিচনাত পাহাৰহেন শৰীৰৰ ঘোৰ ঘোৰাই থকা নাক
উফফফফ...এটাইও শুব নিদিয়ে ঔ । টোপনি খতি একদম খাটাং
১০.
জ্বলা চানা
আৰু
আলোচনা
প্রায় একেই দুয়োটাৰ পৰা লাভ একো নহয় ।
মাথো সাময়িক তৃপ্তিহে পোৱা যায় ।
১১.
টোপনিয়েই হওক
বা
অন্তৰেই হওক
এবাৰ ভাগিলে আকৌ আগৰ অৱস্থালে নিবলে বৰ কষ্ট হয়।
১২.
বন্দুকৰ পৰা ওলাই যোৱা গুলি
আৰু
তালু উদং কৰি সৰি যোৱা চুলি ,
ঘুৰাই অনাটো প্রায় অসম্ভৱ বুলিয়েই ক'ব পাৰি ।
১৩.
অবাবত নষ্ট কৰা সময়
আৰু
বিবাহৰ পিছৰ অবৈধ প্রণয় 
দুয়োটাই ভবিষ্যতৰ বাবে বিপদজনক
১৪.
কোনোবা নিৰীহৰ মৃত্যুত মন্ত্রী বিধায়কে প্রকাশ কৰা শোক
আৰু
সমাজত নিজকে ভাল দেখুৱাই ফুৰা মুখা পিন্ধা ভদ্রলোক
দুয়োটাৰে বিশ্বাস যোগ্যতা এটা মস্ত শূণ্য
১৫.
বিয়াৰ ৰভাতলৰ প্রেম
আৰু
আজিকালি ওলোৱা  ভিডিঅ’ গেম
দুয়োটাই সময় খিনি অকনো আমনি নলগাকৈ পাৰ কৰি দিয়ে।
১৬.
পেট, চিণ্ডিকেট আৰু পেট্রলৰ ৰেট...
এবাৰ বাঢ়িলে তাক নিয়ন্ত্রনত ৰখা বৰ কষ্টকৰ।
১৭.
'গৰম' আৰু 'মৰম'
দুয়োটাই জোখতকে বেছি হৈ গ'লেই সহ্য কৰা বৰ টান ।
১৮.
ৰাজনীতি আৰু দুর্নীতি  দুয়োটাই দেশৰ উন্নতিৰ প্রধান অন্তৰায়।
১৯.
ফাইলেই হওক বা দাইলেই হওক এবাৰ জ্বলি গ’লেই সকলো শেষ।
২০.
সর্বশেষত " দেশতকৈ ধর্ম ডাঙৰ নহয়। "