::লেডিজ পৰশুৰাম ::

অৰম্ভনি ::
আজি যুগ নাৰীৰ যুগ । নাৰীয়েই দাতা নাৰীয়েই বিধাতা । ৩৩% সংৰক্ষনৰ পৰা ধৰি আকাশে বতাহে দিল্লীয়ে পঞ্চায়তে মাথো নাৰীৰেই দপদপনি । মই পিছে নাৰী বিষয়ে ৰচনা লিখিব যোৱা নাই । আজি নাৰী কিমান ভয়ংকৰ হ'ব পাৰে তাৰহে কাহিনী এটা ক'ব গৈ আছো । শুনক তেনেহ'লে

পটভূমি ::
কাহিনীটো আমাৰ সকলোৰে চিনাকী শ্রী যুত প্রতিভূ দত্তৰ একেবাৰে শেহতীয়া কঠোৰ বাস্তবৰ কাহিনী । কিন্তু কাহিনীতো কোৱাৰ আগতে মই অকনমান মহাভাৰতৰ দিনলৈ ঘুৰি যাব লাগিব । আপোনালোকৰ পৰশুৰাম নিশ্চয় মনত আছে । পানী আনিবলে গৈ দেৰি হোৱাৰ বাবে মাকক কাটিবলে বাপেকে আজ্ঞা দিয়াত মাকক কাটি পেলোৱা ভগৱানৰ অৱতাৰ জন যেন সেই জনৰ কথা কৈছো । এই কাহিনীটোও প্রায় একেধৰণৰ মাথো ভাৰচনটো তথা স্থান কাল পাত্র বোৰ নতুন ।

মুল কাহিনী ::
আমাৰ ভূ দা মানে মিষ্টাৰ দত্ত তেও হ'ব বেছ বাক পটু আৰু ব্যক্তিত্ব সম্পন্ন মানুহ । ভাল অংক পঢ়ুৱাৰ লগতে জীৱনৰ অংক বোৰো আউল নলগাকে কৰিব জানে । আৰু সকলো ডেকা ডেকেৰীক জীৱনৰ সকলো অংক শিকাই থাকে । বেছ ৰসাল মানুহ জনৰ মাথো এটাই দুর্বলতা সেইটো হ'ল ফেছবুক । এই দুর্বলতাই এতিয়া তেওৰ বাবে জীৱন মৰণৰ বিষয় হৈ পৰিছে । ঘটনাটো যোৱা কালিৰ । ময়ুৰাক্ষী বৌৱে সন্ধিয়া ঘৰতে পুজা এভাগ পাতিছিল । পিছে কিবা কাৰণত চেনী কমি গ'ল পায়সত দিবলে । সেয়ে ভূ দাক ক'লে যোৱা চেনি আধা কেজি লৈ আনা তৎক্ষনাত । একান্ত বাধ্য পতি ভূ দাই একেষাৰে হ'ব বুলি বজাৰলে গ'ল । পিছে বজাৰে গৈ থাকোতে অলপ আগতে আমুকক খোছ মাৰি দিয়া পোষ্টতোত কি নো হৈ আছে কোনে কোনে কি কি কমেন্ট দিছে চাবলে লিক লিকাই থকা মনটোক ধৰি ৰাখিব নোৱাৰি । মোবাইল উলিয়াই ফেছবুক কৰাত লাগিল । তাতে পুৰণি বন্ধু দুজনমানো অনলাইন হ'ল বছ ভু দাক কোনে পাই আৰু সময় যে দৌৰি আছে পাহৰিয়েই গ'ল । ১ ঘন্টা মান পিছত বৌৰ নাম্বাৰটোৱে ভুমিকম্প অনা দি ফোন তো ভাইব্রেচন অনাত হে তেওৰ সম্বিত ঘুৰি আহিল । লৰা লৰি কৈ চেনী লৈ ঘৰলে দৌৰ দিলে । ঘৰ গৈ দেখে পুজা শেষ । দুৱাৰ মুখত সাক্ষাৎ মা-কালী । এটাই মাথো প্রশ্ন
" চেনী আনিবলে গৈ কাৰ লগত চেনী খাই আছিলা ?? "
ভূ দাই সমেনা সেমেন কৰি
" নাই মানে নাই মানে " কৰি থাকিল । তাতে ফেছবুকৰ কথা কৈ মৰিলেহে হ'ব ।
" মাজনী বঠি খন লৈ আহ । আজি কাৰোবাক উপযুক্ত শাস্তি দিম । হয় গুৱাহাটী নহয় ৰঙামাটী হ'বই হ'ব আজি " বৌৰ ৰণচণ্ডী ৰুপত কণমানী জনীক আজ্ঞা দিলে ।
মাতৃ আজ্ঞা পেলাব নোৱাৰি কণমানি জনীও বঠি খন লৈ ভু দাৰ ফালে চোছা ল'লে ।
আমাৰ ভূ দাই জীৱনত প্রথম বাৰৰ বাবে তাম্মাম ভয় খালে । জীৱনৰ মায়াত একো নাভাবি ভিৰাই পৰাগ চৌধৰীৰ বাৰী ফালে দিলে দৌৰ । গোটেই ৰাতি ভয়তে কপি কপি ভাত পানী নোখোৱালে পৰাগৰ গেৰেজত থকা গাড়ী খনৰ ডিকিতে শুই থাকিল । ৰাতি সপোনত দেখিলে ...........
মাতৃ আজ্ঞা শিৰে শিৰে পালন কৰি ভূ দাৰ একমাত্র ছোৱালী জনীয়ে পৰশুৰামৰ দৰে ড্রেছ কৰি হাতত বঠি খন লৈ বাপেকক বিছাৰি ফুৰিছে কাটিবলে । অপুর্বৰ ঘৰৰ পিছফালৰ বাহনি ,পুনম মাহীৰ দোকানৰ গুদাম সকলোতে বিচাৰি বিছাৰি অৱশেষত চাইকেল বাবাৰ গাড়ীৰ ডিকিৰ তলত ভূ দাক পাই এটি তৃপ্তিৰ হাঁহি মাৰি বঠি খন ডাঙি ডিঙিতে ঘাপ টো মাৰিবলে লওতেই খক মক কৈ সাৰ পাই গ'ল । ঠান্দাটো তেওৰ ঘামি যামি অৱস্থা বেয়া । সাৰ পাই দেখে দেখে চাইকেল বাবাই ডিকিটো ডাঙি জগাই দিছে আৰু ক'লে :
" ৰাতি পুৱাল উঠক বৌ আৰু কণমানী জনী আহিছে "
" কি ? হাতত কি লৈ আহিছে বাৰু " ভু দাই সেপ ধুকি কোনোমতে সুধিলে
" নাই নাই একো লৈ অহা নাই সুদাহাতে আহিছে আপোনাক মাতিছে বলক " চাইকেল বাবাৰ মিচিকিয়া প্রত্যুত্তৰ
ভু দা ওলাই আহিল । আহি দেখে বৌ আৰু কনমানী জনী । বৌ তেওক দেখিয়েই খেঙ খেঙাই উঠিল
" তোমাক মাছ বাছিবলে কম বুলি ভাবোতেই তুমি ফুকলীয়া ল'ৰাৰ দৰে ভিৰাই লৰ মাৰিলা যে । কণমানী জনীয়ে বঠি খন লৈ ভিতৰৰ পৰা বাহিৰ নেপালেহিয়েই ভালকে । কিবা খাই আছিলা নেকি হা ? । ব'লা ব'লা সোনকালে ব'লা মাছ বাছিব লাগে । নহ'লে সেই সোপা গোন্ধালে তোমাকে এসেকা দিম আকৌ । "

সমাৰণি ::
ভূ দাই মুখেৰে টু শব্দ এটা নোকোৱাকে বৌৰ পিছে পিছে ঘৰলে বাট ল'লে । আৰু নিজেই নিজক কোৱা দি ক'লে " উফফ ৰক্ষা দেই, লেডিজ পৰশুৰামৰ পৰা এই বাৰলে ৰক্ষা "

*** বাটে ঘাটে, মটৰে বাছে***

হাঁহি এনে এটা বস্তু যাক বিছাৰি হাবাথুৰি খাব নালাগে কাহানীও । দৈনন্দিন জীৱনত ভালকৈ মন কৰিলেই দেখা যায় যে সৰু বৰ বহু হাঁহিৰ খোৰাক উপঙি ফুৰে বাটে ঘাটে নাইবা মটৰে বাছে । মাথো থপিয়াই ধৰি ওঁঠৰ কোণত পিন্ধিলোৱাটোহে নিজৰ কথা । কিছুদিন আগতে হাকুটিয়া পাৰি ৰখা সৰু সৰু হাঁহিৰ টুকুৰা দুটামান আপোনালোকলৈ বুলি আগবঢ়ালো ।

১) ম্যাদ ওকলা বাইদেউ

আবেলিৰ সময়ত খোজ কাঢ়ি ভাল লাগে বাবে প্রায়েই খোজ কাঢ়ো । এদিনৰ কথা খোজ কাঢ়ি গৈ থাকোতে বাটতে চাইকেলৱালা এজনে গেটত বহি থকা বয়সস্থ চিকিউৰিটি জনক জোকোৱাৰ সুৰত সুধিলে
: " কি হে ভিনদেউ কি খৱৰ ? বাইদেউ আগৰ জনীয়েই আছে নে ? "
: " এৰা ঔ আগৰ জনীয়েই আছে । এইবাৰ শনিবৰীয়া বজাৰলে লৈ গৈছিলো পিছে বিক্রীয়েই নহ’ল বুজিছনে । সেয়ে আকৌ ঘুৰাই লৈ আনিলো । ম্যাদ উকলিল বুইছ কোনেও নিকিনেই দেখোন । "
ভিনদেউৰ সেমেকা উত্তৰ । যেন হতাশাত ভাগি পৰিছে ।

২) " উফফফফফ "

যোৰহাটৰ পৰা তিনিচুকীয়া অভিমুখী বাছ । গেলা গৰমত সকলোৰে জিভাৰ লগতে জীউ ওলাই ওলাই যাও যাও অৱস্থা ।ঠায়ে ঠায়ে যাত্রী উঠিছে ঠায়ে ঠায়ে নামিছে । এটা সময়ত বাছ গৈ মৰাণ পালেগৈ । তেনেতে দুচকুত কাজল আৰু চাদৰ মেখেলাৰে সুসজ্জিত অসম দেশৰ ৰুপহী ছোৱালী এজনী উঠি আহিল । ঘামি জামি অৱস্থা নোহোৱা হ’লেও ধৰিব পাৰি যে সেয়া খাটাং টেট বাইদেৱেই হয় । বাছৰ সমষ্ট যাত্রীগনে খন্তেকৰ বাবে গৰমক এলাগী কৰি একেলগে তেওলৈ বুলিয়েই চাই পঠালে । তেৱো " উফফফফফ " ( মানে মই কিয় যে ইমান ধুনীয়া হ’লো চবে দেখোন মোকেই চাই ভাৱত ) বুলি কৈ খিড়িকীৰ কাষৰ চিট এটা বহি ল’লে গৈ । থিক সেই সময়তে ৰাস্তাৰ সিপাৰে ঘুমটি খনত আড্ডা দি থকা বাইদেউৰ বাটৰুৱা আশিক কেইজনেও বাছ খন চলিব লোৱা দেখি বাইদেউক উদ্দেশ্যি সমস্বৰে চিঞৰি উঠিল
“এই টেট বাইদেউ এবাৰ ভালপাই চাবা নেকি । এই গেলা গৰমত এচি থকা গাড়ী ভাড়া কৰি হ'লেও অনা নিয়া কৰিম ” । সিহতৰ চিঞৰ শুনি মুহুর্ততে বাছৰ ভিতৰত হাঁহিৰ ৰোল উঠিল । টেট বাইদেউৰ আকৌ ‘ উফফফফফ ’ ( কেলে যে ইমান ধুনীয়া হ’লো , এই বদমাছ আশিক বোৰৰ পৰা একদম উপাই নাই পাই ভাৱত ) । ইতিমধ্যে বাছেও গতি ল’লে । কণ্ডাক্টৰে পইছা তুলি তুলি এসময়ত টেট বাইদেউৰ ওছৰ পালেহি ।
: " বাইদেউ ক’ত যাব ? "
: " অ’হ মোক সুধিছা নঅঅ ?" ( লিপষ্টিক খিনি অকনো হীনদেড়ী নোহোৱাকে অলপ ষ্টাইলত সুৰ এটা লগাই )
: " হয় বাইদেউ । আপোনালে চাই কৈছো যেতিয়া আপোনাকেই সুধিছো বুলি ভাবি লৈছো আৰু অপুনি বা কি বুলি ভাবে । " প্রশ্নটো শুনি গৰমত তাৰ টিঙিছ কে মাৰিল হ’ব পাই সেয়ে সিও সেই একে ষ্টাইলকে নকল কৰি অলপ টানকেই উত্তৰ দিলে ।
: " উফফফফ, কি যে কোৱা । মই পানীতোলালৈকে যাম জানাআআ । মোক পানীতোলাত নমাই দিবা দেই ।" এইবাৰ আগৰ ষ্টাইলটো অলপ মদিফাই কৰি হাতখন বিশেষ ভংগীমাত নচুৱাই
: " ইছ নমাই দিব যে নোৱাৰো দেই ।" কণ্ডাক্টৰেও থিক একে ভংগীমাৰে সিয়াৰি দিয়া দি উত্তৰ দিলে
: " ইহ কেলে নোৱাৰিবা আকৌ । ভাড়া দিম নহয় কিবা ।" টেট বাইদেৱে ষ্টাইলতে খং কৰি ক’লে
: " ইহ ইমান ডাঙৰ ছোৱালী জনীক কেনেকৈ নমাই দিব পাৰিম আকৌ ? মানুহেই বা মোক বুলিব কি ? মই বাৰু ড্রাইভাৰক কৈ ৰখাই দিম । আপুনি অলপ কষ্টকৰি নিজেই নামি যাব দেই । " কণ্ডাক্টৰেও তেওৰ সতে একে ষ্টাইলতে উত্তৰ দিলে

বছ ইমান পৰে সকলোৱে ওঁঠ টিপি ভেটা দি ৰখা হাঁহিতোৱে পাৰ ভাঙি বাছখনকে কপাই তুলিলে । ইফালে টেট বাইদেউৰ অৱস্থা কাঢ়িল । চর্ট চার্কিতত এম চি বি ট্রিপ কৰা দি ট্রিপ কৰি লাজতে ৰঙচুৱা হৈ আবেলি অভিমুখী আকাশখনলে চাই ৰ’ল মন চন সেমেকাই । এটা সময়ত পানীতোলাত বাছখন ৰখালে আৰু বাইদেউ তলমুৰ কৰি নামি গ’ল । কাকো একো নোকোৱাকে আৰু কালৈও এবাৰো নোচোৱাকে ।
শেষৰ চিটৰ কলেজীয়া চেঙেলীয়া কেইটাই বাইদেউ নামি যাওতে বাইদেউকে দেখুৱাই, বাই দিফল্ট বেক পকেট শুৱনি কৰা বহী সদৃশ অমুল্য সম্পদ বিধেৰে নিজকে বিছি বিছি একেলগে ক'লে “উফফফফফফফফফফ ”

আর্কিমিদিছৰ ইউৰেকা ইউৰেকা , হাঁহিৰামৰ আমেৰিকা আমেৰিকা

: চাৰ বিগত এটা দশকত ৰাজ্য খনততো এশ এবুৰি সমস্যাই জুমুৰি দি ধৰিছেহে ? এই বিষয়ে আপুনি কি ক’ব ? সমস্যা সমধানৰ ক্ষেত্রত আপোনাৰ চৰকাৰ সম্পুর্ণ ৰুপে ব্যর্থ হোৱা নাইনে বাৰু ??
: হেৰা কি , কি কথা ক’বলে আহিছা হে হা ? কি কথা ক’বলে আহিছা ? ব ব ব ব কোনে কৈছে হে সমস্যা আছে বুলি , হে কোনে কৈছে  । এই বোৰ সব বিৰোধীৰ ষড়যন্ত্র বুইছা চব বিৰোধীৰ ষড়যন্ত্র ।
: পিছে চাৰ বিৰোধী বুলিবলে কোনো নায়েই দেখোন ? আপুনি পৰোক্ষভাৱে বিসম্বাদৰ কথা কৈছে নেকি ?

: হেৰা মই মুখ্যমন্ত্রী আছিলো এতিয়াও হয় আৰু আগলৈও থাকিম । কোনো বিসম্বাদে মোক লৰাব নোৱাৰে ?
: আপুনি মুখ্যামন্ত্রী আছে আছিল আগলৈও থাকিব বুলি জানি ভাল পালো । পিছে সমস্যা বোৰৰ সমাধানকলৈ কেনে ধৰণৰ পদক্ষেপ ল’ম বুলি ভাবিছে ?
: কি বাৰে বাৰে সমস্যা সমস্যা কৰি আছা হে ? ক’ত সমস্যা আছে দেখুৱাই দিয়া আকৌ ?

: চাৰ বানপানী সমস্যা । প্রতিবছৰেই যে হাজাৰ হাজাৰ মানুহে জীয়াতো ভোগে ?

যিটো আজিলৈকে সমাধান নহ’ল ?
: কি কোৱা হে সেইটোতো যোৱা বছৰেই সমধান কৰি দিছিলো । যে বানপানী ক’ত নহয় হেৰৌ আমেৰিকাটো বানপানী হয় । তাতে জাপানগৈ কলগছৰ আইডিয়াটো শিকি আহি বুজাই দিছিলোৱেই দেখোন । আৰু কি বেলেগাই সমধান কৰিমহে ?
: হয় চাৰ পিছে এই হত্যা হিংসা বোমা বাৰুদ উগ্রপন্থী ?
: আৰে এইবোৰ ক’ত নাথাকে হা ? আমেৰিকাটো হত্যা হিংসা বোমা বাৰুদ উগ্রপন্থীয়ে আক্রমন কৰে দেখা নাই । তাকো লাডেনৰ দৰে ভয়ানক উগ্রপন্থীয়ে ।
: কিন্তু চাৰ লাডেনকটো মাৰি পেলাইছে তেওলোকে ।
: আচৰিত দেই তুমি । দেখা নাই ময়ো আলফা এনডি এফ বিক বন্দুক আতৰাই শান্তি আলোচনাৰ বাবে আমাৰ ইয়াত ৰাজকীয় আতিথ্য দি ৰাখিছো । মই কৰা বোৰ নেদেখাই একেবাৰে হুহ ।

: বাৰু চাৰ সেই খিনিলৈকে মানি ল’লো । কিন্তু চাৰ এই যে বজাৰত জুই লগোৱা চিণ্ডিকেট ? এই বিষয়ে কি ক’ব ।
: হেৰৌ মিছা ক’লে কি ডাল হ’ব চিণ্ডিকেট ক’ত নাই । মইটো জানো যে  আমেৰিকাটো চিণ্ডিকেট আছে ।

: আৰু চাৰ যোৱা কালি যে আপোনাৰ ঘৰৰ থিক কাষৰ ঘৰটোতে চুৰি হ’ল তাৰ বিষয়ে কি ক’ব ।
: হেৰা চোৱা এই সৰু সৰু কথা বোৰৰ বাবে মোৰ একেবাৰে টাইম নাই । চুৰি ক’ত নহয় আমেৰিকাটো চুৰি হয় । তাতে ইমান চিন্তা কৰিব লগিয়া কিটো আছে হে ।

: চাৰ আপুনি প্রতিটো কথাতে আমেৰিকাৰ সতে তুলনা কৰে কিয় ?
: মিছা ক’লে কি ডাল হ’ব । অসম আজি পিছ পৰা বা উন্নয়নশীল ৰাজ্য হৈ থকা নাই । অসম আজি উন্নতিৰ পথত দোপদ দোপে আগবাঢ়িছে । চোৱা আজি তুমি সোধা প্রতিটো সমস্যাই আমেৰিকাৰ সতে মিলে ।  বানপানী চিণ্ডিকেত বোমা বাৰুদ উগ্রপন্থী চুৰি ডকাইতি দুর্নীতি এই সকলো বোৰ আমেৰিকাটো আছে আৰু অসমটো আছে । তাৰমানে কি বুজিলা ? তাৰমানে হ’ল আমি আমেৰিকাৰ সতে ফেৰ মাৰি আছো সমানে সমানে । আমেৰিকাৰ সতে ফেৰ মাৰিব পৰাটো কম কথা নেকি ? কেইখন ৰাজ্যই পাৰিছে তেনে কৰিব ? সেইটোও দেট ইজ অলচ’ ইম্পটেন্ট মেটাৰ বুজিলা । কৈ থ’লো কিন্তু ।

: কিন্তু চাৰ আপুনি আমেৰিকাক ইমান ভাল পাই । আমেৰিকাকে আদর্শ হিচাপে লয় তেনেস্থলত আপুনি গৌৰৱৰ বাবে আমেৰিকাৰ সলনি ব্রিটেইনৰ কইনা কিয় পচন্দ কৰিলে ?
: কি ক’বা সেইবোৰ ভিতৰুৱা কথা । আচলতে মই আমেৰিকাতে ছোৱালী এজনী চাই খাটাং কৰিছিলোৱেই । আমাৰ এৱোও ভাল পাইছিল । পিছে আজি কালিৰ ল’ৰা ছোৱালী জানাই সিহতৰ পচন্দৰ লগত আমাৰ পচন্দ নিমিলে । তাতে বাহিৰত পঢ়ি অহা ল’ৰা । তথাপিও আমেৰিকাৰ কথা ভাবি মই জোৰ দিছিলো । নাই নামনিল ওলোটাই পৰৱর্তী মুখ্যমন্ত্রী নহও বুলি নেখাই নবই ৰোহ ঘৰতহে সোমাল । বাহিৰৰ বিসম্বাদেই পাইছে গৈ ঘৰতে বিসম্বাদ সহিব নোৱাৰি আৰু । তাতে আজি কালি চিনেমা হলত গৈও চুই-চাইড এটেম্প কৰে । সেয়ে সাতে সোতৰই মিলাই এইবাৰ ৰাজ্যৰ সমস্যাৰ সমাধান বিছাৰি লণ্ডন যাওতে বিয়ৈৰ ঘৰত থিয়ৈ থিয়ৈ সোমাই তামোল পান এযোৰ পেলাই আহিলো আৰু । মিছা ক’লে কি ডাল হ’ব আমেৰিকা খন অসমত কৈ লণ্ডনৰ পৰা বেছি ওচৰৰ পৰা ভালকৈ দেখা পাই । সেয়ে বিয়ৈ ঘৰলে গ’লেই আৰু কিবা কিবা নতুন কথা বিয়ৈৰ বেলকনিৰ পৰা চাই চাই শিকি আহিব পাৰিম ।

: বৰ ভাল কৰিলে চাৰ । পিছে চাৰ যি হ’ল হ’ল বিয়াখনকে আমেৰিকাত পাতি দিয়ক আৰু ।

: একদম মুখৰ কথা কৈছা হে । বিয়া আমেৰিকাটেই হ’ব । পিছে এতিয়া যাও । বহুত কাম কৰিব আছে । বহু উন্নতি সাধিব আছে । সেয়ে গুগুলত আমেৰিকাৰ বিষয়ে আৰু অলপ পঢ়োগৈ বুইছা । তোমালোকেও আমেৰিকাৰ কথা ভালকৈ জানি বুজি ল’বা দেই বৰ কামত আহে সময়ত ।

::মৰেল = মাৰিল অফ দি কাহিনী ::
অসমত যিয়েই সমস্যা নহওক কিয় তাক প্রথমে আমেৰিকাৰ সতে মিলাব লাগিব । যদি মিলি যায় তেনেহ’লে সমস্যা সমধান বুলি নিচিন্ত মনে শুই পৰক । আৰু মজাৰ কথাটো হ’ল প্রতিতো সমস্যাই মিলি আহিছে আৰু আগলৈও মিলি যাব ।

কন-ফিউজন :: আমেৰিকা কোনো আবিষ্কাৰ কৰিছিল আচলতে কলম্বাছে নে হাঁহিৰামে ??

*** এনেই বুঢ়ী নাছনী তাতে বুঢ়াও আজি অনলাইন ***

---------------------------------------------

বুঢ়া :: হৌৰা ..
বুঢ়ী :: অ হৌৰা কোৱা ।
বুঢ়া :: হাও দু ইউ দু ?
বুঢ়ী :: ডাক্টৰৰ ঘৰলে মাজে মাজে আলহী খাবলে যোৱাকে ধৰি কোনোমতে ফাইন আৰু দেই । তুমি পিছে হাও ?
বুঢ়া :: মোৰো চেম চেম । এই মাত্র ভাত খাই উঠি খুন্দা তামোল এখনে মূহুদি কৰিছিলো পিছে তামোলে মুৰত ধৰি মোৰ উশাহ নুঘুৰিছিলেই বুজিছানে । তোমাক অনলাইন দেখিলত হে অক্সিজেন অলপ পোৱা যেন পাইছো ।
বুঢ়ী :: ইহ কি যে কোৱা, লাজতে মোৰ সোতোৰা গাল খনত লাজৰ ৰঙচুৱা দোতোৰা বাজি গৈছে পাই ।
বুঢ়া :: আয়ৈ দেহি, এই বয়সতো তাৰ মানে তোমাৰ লাজ তজবজিয়াই হৈ আছে । বেলেগ আৰু দেই ।
বুঢ়ী :: যাহ এইডাল কি নো কৈ থাকা আৰু তোমাৰ কথাত হাঁহি উঠি তমোলৰ পিক মনিটৰত পৰি মনিটৰ টোৱেই লাজ বৰণীয়া হৈ গ’ল হে । :পি
বুঢ়া :: হয়নে .... :ডি
বুঢ়ী :: আৰু কি... পিছে এমুঠি ল’লা নে নাই
বুঢ়া :: ল’লো ল’লো এমুঠি লৈ আজৰি হৈ দাঁত যোৰ খুলি সযতনে থৈ হে তোমাৰ সতে কথা পাতিব বহিছো
বুঢ়ী :: কথা পতাৰ লগত আকৌ দাঁত যোৰৰ কি সম্পর্ক?
বুঢ়া :: নাই মানে তোমাৰ লগত কথা পাতি পাতি তোমাক জোকাই থাকোতে কেইবা বাৰো দাঁত কামোৰ খালো ঔ সেয়ে আজি দাঁত যোৰ খুলি মনোমোহা লাপুং হাঁহি লৈ মই বুঢ়াই তোমাৰ ফেছবুকৰ চোতালত মুঢ়া পাৰি বঢ়িছো । :পি
বুঢ়ী :: দেহী ঐ মোৰ লাপুং সোনামুৱাটো, ময়ো মোৰ ৰঙাকৈ দাঁতৰ আলু আৰু তামোলে ৰঙীন কৰা জিভা আৰু তালুৰে সৈতে তোমাক সাদৰ সম্ভাষন জনালো :পি
বুঢ়া :: হেঃ হেঃ হেঃ,,,, আহহহহহহ্..
বুঢ়ী :: কি হ’ল???
বুঢ়া :: নাই একো নাই
বুঢ়ী :: কি হ’ল কোৱা আকৌ
বুঢ়া :: নাই ঔ ককালটো কেছেক কৰিলে ঘপহ কে...আঠুটোৱো মাজে মাজে বিষাই যে অকন মান বিষাই গ’ল । একো নাই আল ইজ ৱেল আল ইজ ৱেল । তুমি পিছে কি কৰি আছা এতিয়া ।
বুঢ়ী :: মোৰ বাদ দিয়া । তোমাৰ কি বেছিকে বিষাই চে নেকি?
বুঢ়া :: নাই ঔ এই ময়সত মাজে মাজে হয় আৰু তুমিও জানা দেখোন ।
৭০ তা বসন্তই গৰকি যোৱা দেহা,
চুগাৰ প্রেছাৰ ইউৰিক এচিডে পাতিছে ৰমৰমীয়া বেহা । :পি
বুঢ়ী :: তুমিও যে আৰু বেমাৰটো কবিতা নেৰিলা । কলেজৰ দিনৰ ৰস এতিয়াও লথপথপাই আছে দেই ।
বুঢ়া :: কি কৰিবা কুকুৰ নেজৰ কথা আৰু বেলেগাই কি ক’ম তোমাক ।
বুঢ়ী :: হেঃ হেঃ হেঃ । পিচে এটা কথা তোমাক ৭০ টা বসন্তই গৰকিব পাৰে মোক কিন্তু আজিও মাত্র ১৯ বসন্তই হে গৰকাৰ সাহস কৰিছে ।
বুঢ়া :: হয় নে !!! তোমাৰো সেই কলেজৰ দিনৰে পৰা ৰুপ যৌৱনক লৈ ফিতাহি মৰা অভ্যাস টো নগ’ল আৰু ন?
বুঢ়ী :: ফিতাহি ?? কি ক’ব বিচাৰিছা তুমি ?
বুঢ়া :: একো নাই, একো নাই, বাদ দিয়া
বুঢ়ী :: বাদ দিয়া বুলি ক’লেই বাদ দিম নে ।হেৰা.. ছোৱালী জনীৰ ঘৰলে যাওতে মোক দেখি চাৰিআলি মুৰৰ ডঙুৱা কেইটাই আগৰদৰে হুইছেল নামাৰিলে কি হ’ল ! মোৰ পাকঘৰৰ কুকাৰটোৱে মোৰ উপস্থিতিত দেইলি তিনি চাৰিটাকে হুইছেল মাৰে বুজিছা । এতিয়াও মোৰ প্রফাইল পিকচাৰত ১৮৫ টা লাইক আৰু ১১৯ টা কমেন্ট । মোৰ এটো মাথো “গুদ মৰনিংত” মিনিমাম ৭০ টা লাইকে লাইন পাতি থাকে । ধুনীয়া ল’ৰা বোৰে টেগ কৰি কৰি ব’ৰো কৰি দিয়ে বুজিছা ।এতিয়া কোৱা মই ফিতাহি মাৰিছো বুলি । হুঁহ ..
বুঢ়া :: বাপৰে ফুল অন জৱানী তাৰমানে, তুমি তাৰমানে ৰেখাৰ দৰে চিৰ সেউজ, অনন্য একেবাৰে। কবিতাই ওলাই যায় আৰু মোৰ দেই ..
হে মহিয়সী মহান তোমাৰ জীৱন যৌৱন,
লাখুটী লোৱা লাহি খোজেৰে জিপাল কৰাহি মোৰ বুকুৰ মৌ-বন ।
পিছে মিছা নকও গল্দেন ফ্রেমৰ চচমা জোৰেৰে লাখুটী ডাল কাষত ৰাখি ৰুপোৱালি প্রলেপ সনা মেঘালী চুলিৰে আৰমী চকীত বহি মৰা প্রফাইল পিক খনত থকা তুমি জনী সচাই ১৯ বছৰীয়া যেনেই লাগিছে ।
বুঢ়ী :: ইহ , তেল মাৰিছে চোৱা । তোমাকো ভেচমল কেছকালা লগোৱা কিছকিছিয়া চাইনিং মাৰি থকা ক’লা চুলিৰে একেবাৰে চফল ডেকাতো যেনেই লাগিছে আৰু
বুঢ়া :: হেঃ হেঃ হেঃ..ঐ কথা এটা কও খং নকৰাটো ।
বুঢ়ী :: কি কথা নো ?
বুঢ়া :: সেই তাহানিৰে পৰা ককবকাই থকা মনৰ ভাৱ এটা । তোমাক ফেছবুকত লগ পোৱাৰে পৰা আকৌ উকমুকাই উঠিছে হে ।
বুঢ়ী :: এহ কি নো পাক লগা কথা বোৰ কৈ থাকা । কোৱা কিহে খুন্দিয়াই আছে তোমাৰ মনৰ মাজত ।খং নকৰো বাৰু ।
বুঢ়া :: নাই মানে সেই তেতিয়াৰ দিনৰে পৰা তোমাৰ খংটো আকৌ বেছি নহয় । মোৰ কথাত খং উঠি লাঘুটিৰে আক্রমন চলালে কম্পিউটাৰটো হে চিৰদিনলে ঘুণীয়া হৈ যাব । :পি
বুঢ়ী :: এহ এইডাল। কোৱা না কি ক’ব খুজিছা ।
বুঢ়া :: কথাটো হ’ল....
বুঢ়ী :: কোৱা ৰৈ গ’লা যে....
বুঢ়া :: এহ ৰ’বা কথাটো ক’ব লওতেই বুকুখন বিষাই উশাহটো আকৌ ঘুৰাব নোৱাৰা হৈছিলো ঔ অক্সিজেন স্প্রে’ টো মাৰিলত হে ভাল লাগিছে ।
বুঢ়ী :: হ’ব তেনেহ’লে তুমি ৰেষ্ট লোৱা এতিয়া । পিছত ভাল পালে ক’বা ।
বুঢ়া :: নাই নাই আজি মই কমেই ক’ম । কিমান দিনৰ মুৰত যে সাহস গোটাইছো । আজি নক’লে আৰু কোৱা নহ’ব আৰু কোনো কাহানিও ।
বুঢ়ী :: কোৱা আকৌ তেনেহ’লে ।
বুঢ়া :: আচলতে কি জানা জেতুকী সেই কলেজৰ দিনৰে পৰা বুকুত বান্ধি লৈ ফুৰিছো এই কথা খিনি । তুমি বেয়া পোৱা বা মোৰ সতে মাত বোল বন্ধ কৰাৰ ভয়তেই কোৱা নহ’ল । সময়ৰ লগত বহু বিষ আহিল বহু বিষ গ’ল পিছে এই বিষটো বুকুৰ কোনোবা কোনত স্থায়ী হৈ ৰ’ল ।
বুঢ়ী :: কি আকৌ বুকু খন বিষাইচে নেকি ?? অক্সিজেন স্প্রেটো মাৰি দিয়া আকৌ
বুঢ়া :: ধেই এই জনী এইটো সেইটাইপৰ বুকুৰ বিষ নহয় ঔ,ষোল্ল বছৰ বয়সতে হোৱা বুকুৰ বিষ ।অক্সিজেন স্প্রেয়ে কাম নিদিয়ে ইয়াত ।
বুঢ়ী :: তুমি ব’ৰ কৰিছা আৰু দেই কি ক’ব আছে খোলা খুলিকে কৈ দিয়া নহ’লে মই অফলাইন হম আৰু এতিয়া ।
বুঢ়া :: হেই কি কৰা কি কৰা । খং নকৰো বুলি কৈ খং কৰিছা যে । শুনা শুনা দাইৰেক্ট কৈ দিও আৰু তোমাক । লাজ ভয় সকলোবোৰ চুৰীয়াৰ জেপত ভৰাই তোমাক কৈয়ে দিও আৰু তেনেহ’লে ।
বুঢ়ী :: অ ভাল বুঢ়া টো হৈ পটকে কৈ দিয়া ।
বুঢ়া :: আচলতে মই তোমাক ভাল পাও । সেই কলেজৰ দিনৰে পৰা ভাল পাও.. তেতিয়া মই তোমাক কও মানে তোমাক বিয়াই দিয়েই দিলে আনলে । ফেছবুকত তোমাৰ সতে দেইলি চাট কৰি কৰি তোমাক আকৌ আগৰ দৰেই ভাল পাই পেলালো ঔ জেতুকী ।
বুঢ়ী :: .................
বুঢ়া :: আছা নে তুমি ?
বুঢ়ী :: ওম আছো.......
বুঢ়া :: কি হ’ল মনে মনে ৰ’লা যে
বুঢ়ী :: নাই ভাবিয়েই পোৱা নাই কথাটো
বুঢ়া :: কিয় ইয়াতে ভাবিবলে কি আছে ক’বলে থাকি যোৱা মনৰ কথা হে কৈছো কিবা
বুঢ়ী :: হমমমমম...
বুঢ়া :: কি হ’ল কিবা এটা কোৱা আকৌ । বেয়া পালা ন মোৰ কথাবোৰ শুনি
বুঢ়ী :: নাই ঔ । কিয় বেয়া পাম মনৰ কথা বোৰ খোলা খুলিকে কৈছা যেতিয়া বেয়া পাবলে কি আছে নো ।
বুঢ়া :: তেনেহ’লে ?
বুঢ়ী :: তুমি কিয় যে নক’লা তেতিয়াই সেই কথা হে ভাবিছো । মইয়ো তোমাক কিমান আঁৰ চকুৰে চালো মোৰো বৰ ভাল লাগিছিল তোমাক । নিজৰ কৰি পাবলে বৰ মন গৈছিল ।
বুঢ়া :: হা ........... কি ????????????
বুঢ়ী :: অ ..সছাকে কৈছো । তোমাৰ শপত ।
বুঢ়া :: ইছ ইছ ইছছছছছছছ .... কিয় যে নক’লো তেতিয়াই । ধুইৎ চাল্লা ।
বুঢ়ী :: একো নাই, সেইবোৰ ভাবি এতিয়া একো লাভ নাই । যি হ’ল হ’ল আৰু জন্ম মৃত্যু বিবাহত আমি নৰমনিচৰ কোনো হাত নাই বুজিছা । গতিক এই সকলো তেৰাৰেই কৃপা । আজি জুকাৰ বার্গো আজি দেবদুত হৈ তোমাক মোক মনৰ কথা মুকলিকে পতাৰ সুযোগ দিলে । গতিকে ভগৱান আৰু জুকাৰবার্গে যি কৰে ভালৰ বাবেই কৰে বুজিছা ।
বুঢ়া :: বুজিছো পিছে মোৰ কথাটো কি হ’ব ।
বুঢ়ী :: কি হ’ব মানে
বুঢ়া :: মই যে তোমাক এতিয়াও ভাল পাঁও । তোমাক কাষত পাব বিছাৰো ।
বুঢ়ী :: কি ?????????????????
বুঢ়া :: অ আকৌ ।
বুঢ়ী ::...............
বুঢ়া :: কি হ’ল একো নক’লা যে ?
বুঢ়ী :: ..................
বুঢ়া :: হেৰা শুনিছা নে নাই ।
বুঢ়ী :: ছছছছছছছ... ৰ’বা নাতিটোৱে সাৰ পাই গ’ল মই কি বুলি চিঞৰি দিয়াত । তাক শুৱাই লও ।
বুঢ়া :: অ....
বুঢ়ী :: অ কোৱা । এই বয়সত জানো সেই বোৰ সম্ভৱ । মানুহে কি বুলিব । তুমি মই দুয়ো চাৰি পাঁচটা নাতি নাতিনিৰ ককাক আইতাক ।
বুঢ়া :: পিছে কি হ’ল । মইটো নহয় বুলি কোৱা নাই ।
বুঢ়ী :: তেনেহ’লে ? কি বিছাৰিছা ভাল কে বুজাই দিয়া ।
বুঢ়া :: চোৱা তোমাৰো তেও আজি আমাৰ মাজত নাই আৰু মোৰ এৱো আজি আমাৰ মাজত নাই । গতিকে আমি বন্ধু হিছাপে ইজনে সিজনৰ সংগ দিয়াত কি আপত্তি । ময়ো জানো যে আমাৰ এতিয়া পার্কত বহি জোপোহাৰ আঁৰত ৰৈ শালিকী প্রেম কৰাৰ দিন নাই । মই মাথো বিছাৰো জীয়াই থকাৰ এই শেষ দিন কেইটা তুমি মই একেলগে থাকো আৰু আন্তৰিকতাৰে পাৰ কৰো প্রতিটো ক্ষন । একেলগে স্মৃতিৰ সেই পুৰণি চহৰ খনত ফুৰিবলে যাও আৰু নষ্টালজিক হৈ পৰো সামৰণিৰ এই সুৰীয়া সময় খিনিত । প্রকাশ কৰো ইজনে সিজনৰ সমুখত আগতে অপ্রকাশিত হৈ থাকি যোৱা আৱেগ অনুভুতি বোৰ ।
বুঢ়ী :: সেই খিনিটো বুজিছো । কিনতু ই কেনেকৈ সম্ভৱ । ঘৰৰ মানুহক কি বুলি ক’বা ? সকলোৱে এই বুঢ়া বুঢ়ীৰ পৰকিতি লৰিছে বুলি নাঁহাহিব নে?
বুঢ়া :: তুমি সেই বোৰ একো চিন্তা নকৰিবা । মই সব থিক কৰি দিম । আৰু ঘৰৰ মানুহৰ কথা কিয় চিন্তা কৰা আৰু সিহতেতো আমাক এক্সপায়াৰ দেট পাৰ হোৱা ঔষধৰ দৰে হে বেৱহাৰ কৰে । গতিকে আমি সিহতৰ কথাত কিয় মুৰ ঘমাও । তাতকৈ সিহতক আমাৰ বোজাৰ পৰা মুক্ত হে কৰি দিয়া উচিত ।
বুঢ়ী :: উপাইটো কি তেনেহ’লে । আমি থাকিম ক’ত । খাম কি । মোৰ কফ বুকুৰ বিষ ডাক্টৰ এই বোৰ কোনে চাব ?
বুঢ়া :: আৰে মই ক’লোৱেইটো মই সকলো থিক কৰি আহিছো ইতোমধ্যেই । নগৰৰ সিটো মুৰত এটা অল্ড এজ হ’ম আছে । তাতে তোমাৰ মোৰ দৰে বহুতো বুঢ়া বুঢ়ী থাকে যি জীৱনৰ শেষ সময় খিনি আনক আমনি নকৰাকে নিজৰ মাজতে কটাব খোজে ।
বুঢ়ী :: বাপৰে তুমি দেখোন দেঞ্জাৰ মানুহ সব ৰেডী কৰিয়ে থৈছা । পিছে নাতি কেইটাক কেনেকে এৰি থাকিম । সিহতে তো মোক যাবলে নিদিব ।
বুঢ়া :: তাৰো উপাই কৰি থৈছো । প্রতি ৰবি বাৰে আমি গৈ সিহতৰ সতে দিনটো কটাম সাধু ক’ম, খেলা খেলিম নাচিম বাগিম । মুঠতে সপ্তাহত এটা দিন সম্পূর্ণ সিহতৰ নামত ।
বুঢ়ী :: অ তোমাৰ মেনেজমেন্ট স্কিল দেখোন এতিয়াও সেই কলেজৰ ইউনিয়ন চম্ভলাৰ দৰে একেই আছে ।
বুঢ়া :: :)
বুঢ়ী :: ইছছছছ কথা বোৰ ভাবি বুঢ়া বয়সতো মনটো নাছি উঠিছে দেখোন ঔ ।
বুঢ়া :: প্রেম এনেকুৱাই বুজিছা
প্রেমে নেমানে বয়সৰ বাধা ,
প্রেমৰ বয়স সদায় বত্রিছৰ আধা ।
বুঢ়ী :: চান্স পালেই কবিতা কৰ’বাৰ পৰা ঢপলিয়াই আহে আৰু ন ?
বুঢ়া :: নক’ব আৰু তোমাৰ সুখদ উপস্থিতিয়েই এই সকলোবোৰৰ বাবে দায়ী ।
বুঢ়ী :: ৱাহ ৱাহ ৱাহ । কথা ক’বলে দিবা আৰু ।
বুঢ়া :: :পি
বুঢ়ী :: ঐ :পি কে বটচে । বোৱাৰীয়ে ভুমুকীয়াই চাই গ’ল হি জানানে । ভাবিছে চাগে এই বুঢ়ীয়ে ‘মৰিলো ঔ’ বুলি ষ্টেটাছ আপদেট দি হে ফেছবুক সামৰিব চাগে । লাজেই লাগি গৈছে পাই ।
বুঢ়া :: হা: হা: হা: । ৰাতি খন ভাল হঁহুৱালা দেই । হা: হা: হা:
বুঢ়ী :: চাল্লা লাপুং বুঢ়া ৰঙচুৱা আলু নিকটাইছে চা ।
বুঢ়া :: কি ক’বা .........
তুমি অবিহনে এতিয়া মোৰ জীৱনেই অসাৰ
তোমাক অনলাইন দেখিলেই ধপধপাই বুকুত লোগোৱা লাখটকীয়া প্রেছমেকাৰ
তোমাৰ ৰুপালী চুলিটাৰীত ফুলে শৰতৰ কহুৱা ফুল
তোমাৰে সতে চাট কৰিলেই দেহত চুগাৰে দেখোন কৰে গন্দগোল
খুলি থোৱা দাঁতত সোমাই ৰই মাংসৰ সৰু সৰু টুকুৰা
তুমি :পি :দি বুলি হাঁহি দিলেই বুকুত জ্বলে পিৰিতিৰ জুই একুৰা
লাচিতৰ হেংডাং যেন তোমাৰ মনোমোহা লাখুটি
তোমাক অনলাইনেই নহয় অফলাইনতো পাবলে লগাম মৰমৰ হাকুতী
বিষ খোপ জ্বৰ আৰু ডাক্টৰ ,ঔষধ এক্সৰে আৰু প্রেচক্রিপচন
এই সকলোবোৰ আওকান কৰি মিলিব অচিৰেই আমি দুয়োৰে মন
ওলাই থাকিবা ৰিহা মেখেলাৰে সাজি ৰচকী জনী হৈ
ময়ো আহিম ধুতি পাইজামাৰে সাজি কাছি আবেলি তোমাক একেবাৰে নিবলৈ ।।

বুঢ়ী :: অ’ মাআআ... ক’তে মৰো এই বুঢ়াক আজি কিহে পালে পাচিয়ে পাচিয়ে কবিতা ওলাইছে দেখোন।
পিছে এই কবিতা বোৰৰ কপিৰাইট মোৰেই আছে নে ? নে বহু ঠাইত ইতিমধ্যে পাইৰেচি হৈছে ??
বুঢ়া :: ইয়েয়য়.. মই কিবা তেনেকুৱা বুলি ভাবা নেকি ?
বুঢ়ী :: ভাবিছো বুলি নো কেতিয়া ক’লো সুধিছিহে কিবা ?
বুঢ়া :: নুসুধিবা তেনেকথা সুধিলে মই দুখ পাও ।
বুঢ়ী :: ইছছছছ... হয় নেকি । পিছে তোমাৰ ফ্রেন্দ লিষ্টত মোৰ ডাঙৰ জনী বোৱাৰী শেৱালি,কলিমনৰ জীয়েক জোনাকী, মুহিধৰৰ লচপচী ঘৈনিয়েক বৈজয়ন্তীও আছে যে কথাটো কি ?
বুঢ়া :: আ.. আছে.. পিছে কি হ’ল ?
বুঢ়ী :: কি হ’ল মানে ? সেই ফুকলিয়া ছোৱালী কেইজনীয়ে আকৌ তোমাৰ ফ্রেন্দ লিষ্টত কি কৰিছে । মুৰত ওৰণিৰ ঠাইত তোমাৰ ফ্রেন্দ লিষ্ট হে শুৱনি কৰিছে যে কথাটো কি ?
বুঢ়া :: হৌৰা তুমি মোৰ প্রেছাৰ ১১০/১৪০ কৰিম বুলি লাগিছা নেকি হা ! তোমালোক মাইকী মানুহবোৰ কেলে এনেকুৱা বাৰু । মোৰ ফ্রেন্দ লিষ্ট খন আকৌ কেলেনো খুচৰি অশান্তি চপাব লাগে ।
বুঢ়ী :: অ এতিয়া মই হে অশান্তি কৰিলো । হ’ব ৰাতি খন এই বোৰ শুনাবলৈকে মোক ৰাখী থৈছিলা ন ।
বুঢ়া :: চেহ অবুজন কিয় হোৱা নো । মোৰ তেনেকে কোৱা নাই নহয় ।
বুঢ়ী :: হ’ব হ’ব মই চব বুজিছো । মোক বুজাব নেলাগে । মইটো অশান্তি দিয়া মানুহ হে । যোৱা যোৱা তোমাৰ মৰমৰ বৈজয়ন্তী এতিয়াও অনলাইন আছে । মোক কিয় চিঞৰি আছা । তাইকে কবিতা গাই সুনোৱাগে ।
বুঢ়া :: হেৰা তোমালোক ইমান সন্দেহবাদী কিয় । হেৰৌ ফেছবুক হৈছে এটা সম্পুর্ন সামাজিক নেটৱর্কিং চাইট । ইয়াতে বিভিন্ন জনে বিভিন্ন জনৰ সতে বন্ধুত্ব গঢ়িব পাৰে । বয়সৰ সীমাৰ উর্ধত ইয়াৰ পৰিসৰ ১৬ বছৰীয়া এজনো ৬০ বছৰীয়া এজনৰ অন্তৰংগ বন্ধু হৈ পৰিব পাৰে । ইয়াতে জাতি বর্ণ নির্বিশেষে লিংগ ভেদ নোহোৱাকে সকলো স্তৰৰ মনুহৰ সতে মত বিনিময় কৰিব পাৰি লগতে নতুন নতুন সৃষ্টিৰে মানসিক উৎকর্ষও সাধন কৰিব পাৰি । মোৰ ফ্রেন্দ লিষ্টত কোন কোন আছে তাক খুচৰি খুচৰি মুৰৰ জুইকুৰা জ্বলোৱাত কৈ মনটো মুকলি কৰি বহল মনৰে মনৰ কথা পাতো আহা ।
বুঢ়ী :: বহল মনেৰে মানে ? অ মোৰ মনটো মানে ঠেক । মই মানে ঠেক মনৰ নিকৃষ্ট মানসিকতাৰ মানুহ । ঠিক তেনেকৈ ক’লা টো, যোৱা আজিৰ পৰা মই তোমাক নামাতো আৰু । যি কেইজনী ৰুপহী নাতেসৰী আছে সেই কেইজনীৰ সতেই লিলিমাই কৰা গৈ মোক আমনি নকৰিবা আৰু ।
বুঢ়া :: হৌৰা তোমাৰ হৈছে কি তিল টোকে তাল মানে বৰতাল বনাই বজাই দিছা যে ?
বুঢ়ী :: আৰু কি মই কিবা ঠেক মনৰ মানুহ হে । তুমিয়েই বহল মনৰ মানুহ বহল হৈ থাকা মোক নামাতিবা ।
বুঢ়া :: হৌৰা হৌৰা ..শুনাচোন
বুঢ়ী :: ....................
বুঢ়া :: হেৰা.... কেলে এনেকুৱা কৰা নো???
বুঢ়ী :: .....................
বুঢ়া :: উফফফফ ... কি হৈছে... ক’ত গলা হয় নে.... মোৰ প্রেছাৰ উঠি মুৰ ঘুৰাই গৈছে হে ? এবাৰ মাত দিয়া চোন ।
বুঢ়ী :: .....................
বুঢ়া :: হেৰাআআআআ.....
বুঢ়ী :: আইতাৰ কফে ধৰি ফোপাই আছে খুব জোৰেৰে কাহিও আছে ... আপুনিও এতিয়া শুই থাকক ।............. মই তেওৰ নাতি নৈঋত ।
বুঢ়া :: ...........................আআহহহহহহ

**পিছ দিনা পুৱা দেখা গ’ল নগৰৰ আটাইতকৈ ব্যস্ত চিকিৎসালয়ৰ এটি পৰিষ্কাৰ কোঠালীত দুখন বিছনা ওচৰা ওচৰি কৈ ৰখা আছে তাতে দুজন বয়স্ক ব্যক্তিক চেলাইন দি অক্সিজনে মাস্ক লগাই শুৱাই ৰখা হৈছে । কাষতে তেও লোকৰ পুত্র বোৱাৰী নাতি নতিনি ৰৈ তেও লোকৰ ফালে চাই নিজৰ মাজতে আলোচনা কৰি আছে, যে যি হ’ব লগা আছিল হ’ল এতিয়া আৰু নহ’ব । আজিৰ পৰা নেট কানেকচন বন্ধ আৰু লেপটপ দেক্সটপ সকলো বোৰ পাছৱর্ড প্রটেক্টেদ । আৰু তেওলোকৰ বাবে এইমুহুর্তৰ পৰা ফেছবুক সম্পুর্ণ ৰুপে নিষিদ্ধ । ১০০% ভাল হোৱাৰ পিছত যদি অল্ড এজ হ’ম যাব বিছাৰে, একেলগে থাকিব বিচাৰে তেনেহ’লে সকলো চাই চিটি বিবেচনা কৰা হ’ব ।

{বি: দ্র: খুব সম্ভৱ তেও লোকে বুঢ়া বুঢ়ীৰ গোটেই কথা বতৰা খিনি পঢ়ি পেলালে কাৰণ বুঢ়া বুঢ়ীয়ে নিজ নিজ একাউন্টৰ পৰা লগ আউত কৰাৰ আগতেই ইতিমধ্যে হস্পিতেলতেই ইন হৈয়ে গ’ল নহয় }

(অলপ দীঘলেই হৈ গ'ল আমনি পালে গালি চালি নাপাৰিব আৰু দেই)

::আকৌ বাঁকৰ বচন::

১)
নাৰীৰ মাথো দুটাই ৰূপ, হয় ধুনীয়া নহয় পত্নী ।
২)
সোৱৰণী বোৰ মিঠাইৰ দৰেই এটুকুৰা খাই মন নভৰে ।
৩)
এটা কথা সকলোৱে বুজা উচিত যে দেশত কৈ ধর্ম ডাঙৰ নহয় ।
৪)
 এটি সুভ দিনৰ বাবে মন আৰু পেট খোলোছা থকাও খুবেই জৰুৰী ।
৫)
শীত মাথো এটি ঋতু নহয়, গা-ধোৱা চবোনৰ ই দীর্ঘ ম্যাদী আয়ুস ৰেখা ।
৬)
আজি কালি প্রায় সকলোৱেই টকা খাই পিছে কেৰাণী পিয়নৰ হে নাম যায় ।
৭)
কাম ক্রোধ লোভ মোহ আৰু ফেছবুকৰ ওপৰত নিয়ন্ত্রন থকাজনহে আচল মানুহ  ।
৮)
নাৰীয়েই হওক বা গাড়ীয়েই হওক মেন্টেনেন্সৰ নামতেই তলি উদং হৈ যায় হে সদায় ।
৯)
সুখবোৰ থিক মোবাইলৰ নেটৱর্কৰ দৰেই, 

বেছি ভাগ সময়েই হয় বিজি নহয় নট ৰিচ্চেবল হৈ থাকে

১০)

নাই মোমাইত কৈ ONGC কলনিৰ জেঠপেহাই ভাল 
প্রতিবছৰে বিহুত দামী কাপোৰ আৰু পুজাত ৫০০ টকা দিয়ে।

১১)

বাস্তৱটো ইমানেই কঠিন , ইমানেই কঠিন যে  

কেতিয়াবা ফেছবুকৰ পৰাও আঁতৰত থাকিব লগিয়া হয়

১২)

মাতে কথাইনো কি আৰু খোৱা বোৱাটোহে মেইন
কাৰণ থিক চে নাখালে শুকাই খীনাই নোদোকা হোৱাৰ সম্ভাৱনাই বেছি ।

::বাঁকৰ বচন::

১)

আপি মখাই চকুৰ চেলাউৰি চুচি দেখনিয়াৰ কৰিবৰ বাবে কৰা থ্রেডিং
আৰু
বিদ্যুত বিভাগৰ কৃপাত বিদ্যুতৰ নাটনি মাৰিবলে কৰা লোড শ্বেডিং
আজিৰ তাৰিখত দুটা সঘনাই হোৱা ঘটনা
২)

দাঁতৰ ফাঁকত ফচি ৰোৱা মাংসৰ টুকুৰা
আৰু
বুকুত জ্বলি ৰোৱা পিৰীতিৰ জুই একুৰা ।এটাইও শান্তিত থাকিব নিদিয়ে ঔ
৩) 

আঠুৱাৰ মাজত ডাঙৰ ফুটা
আৰু
সোৱাদ লগা ভাংৰ কাঢ়া ঘোটা ।দুয়োটা সমানেই ডেঞ্জাৰাছ
৪)

ধাৰ নাইকিয়া কটাৰী
আৰু মোবাইলৰ ল' বেটাৰী । দুয়োটাৰে কাম চলোৱা বৰ মুস্কিল
৫)

টেডী বিয়েৰেই হওক 

বা 

ফষ্টাৰ অথবা টিউবর্গ বিয়েৰই হওক । বিয়েৰ ট' আখিৰ বিয়েৰ হি হে না ।
দুয়োতাই নিজৰ নিজৰ ষ্টাইলত আমাক হেপি হেপি ৰাখে 

৬)

তাহানিৰ দিনৰ পৰা লোণহীন ব্যঞ্জন
আৰু 

আজিৰ তাৰিখত ফেছবুক বিহীন জীৱন । দুয়োটা সমানেই সোৱাদহীন

৭)

MAKEUP
আৰু
BREAKUP
আজিৰ তাৰিখত ছোৱালীবোৰ দুটি এৰাব নোৱাৰা অভ্যাস

৮) 

টার্ণিংত লোৱা অভাৰটেক

আৰু
দুখতে মৰ লার্জ পেগ । দুয়োটাই বিপদজনক

৯)

অসমৰ CM 

আৰু
SBIৰ  ATM । দুয়োটাই দৰকাৰৰ সময়ত আবোল টাবোল বকে

১০)

মাক বাপেকৰ বাবে যেনেকৈ তেওলোকৰ বর্বাদ SON টো মুৰৰ কামোৰণি

তেনেকৈ দেশ এখনৰ বাবেও CORRUP-SON টোও ডাঙৰ মুৰৰ কামোৰণি ।
দুয়োটাকে সুধৰোৱা অতন্ত্যই প্রয়োজনীয়

১১)
ভাত বনাবলে এখন ভাল হেতা
আৰু
দেশ চলাবলে এখন ভাল নেতাৰ প্রয়োজনীয়তা অপৰিসীম ।।

১২)

শগুনে বুঢ়া গৰুক মৰিবলে দিয়া শাও
আৰু
মেকআপৰ কৃপাত ৰুপহী হোৱা ছোৱালীয়ে খোৱা ভাও । দুয়োটাই অর্থহীন

১৩)

অলপ জানিয়েই কৰা  অহংকাৰ
আৰু
দেশ লুটি পুতি খোৱা চৰকাৰ
দুয়োটাৰেই পতনলৈকে  আমি বাট চাই থাকো

১৪)

চঞ্চল ছোৱালী
আৰু
ৰাস্তাত ঘূৰা ছাগলী পোৱালী দুয়োটাই সম্পূর্ণ অপ্রত্যাশিত ।
কেতিয়া ক'ত ঘপহ কেনে ইউ টার্ণ লয় কোনেও ক'ব নোৱাৰে ।

১৫)

দেইপুৰি নিয়া টিকাফটা ৰ'দটো নোলোৱালৈকে বুজা নাজায় 'ছাঁ'ৰ মহত্ব কিমান
আৰু
পাকঘৰত পিয়াজ কাটি চকুপানী নোলোৱালৈকে বুজা নাজায় 'মা' ৰ মহত্ব কিমান
১৬)

জোৰেৰে ধৰি ৰখা প্রেস্রাব
আৰু
দিম দিম কৈ ভাবি থকা প্রস্তাব
সময় মতে এৰি দিব লাগে নহ'লে অসুবিধাত পৰাৰ যঠেষ্ট সম্ভাৱনা থাকে

১৭)

সান্দহৰ জলপান
আৰু
ডাঙৰক সন্মান...... প্রায় নোহোৱাই হোৱা দি হৈ গ'ল   

১৮)

দেশত দুর্নীতি
আৰু
জিভাত ইংৰাজী । কেতিয়া এঠা লগা দি লাগিল ততকেই ধৰিব নোৱাৰিলো...
এতিয়া কেউদিশে দুয়োৰে জয় জয়কাৰ

১৯)

প্রেম  
প্রতিভা
আৰু
পাইখানাক
কোনেও বেছি দেৰি দবাই ৰাখিব নোৱাৰে ।

২০)

CINEMA
CRICKET
CORRUPTION...

এই তিনিটা 'C' ৰেই দপদপনি এতিয়া আমাৰ তেজত আমাৰ দেশত