Saturday 24 August 2013
মন যায় মোৰো মন যায়
মন যায় মোৰো মন যায়
খোলা খুলিকে কবলে
লাহে লাহে চুমা দিবলে
কাষে কাষে দেটিং মাৰিবলে
মন যায় মোৰো মন যায়
মন যায় মোৰো মন যায়
তোমাক দেখা পালে সপোন জাগি
উঠে বুকু খনি হয় তাজমহল
তুমি গুছি গ’লে সপোন ভাগি থাকে
প্লেটত চানা আৰু সমুখত বটল
সমুখত যেতিয়া তোমাক দেখো
জ্বলা চিগাৰেট মুঠিতে ৰাখো
মন যায় মোৰো মন যায়
মন যায় মোৰো মন যায়
টুকুৰা টুকুৰা ভাজি পিলেটত দিয়া
মাংসক কি দৰে নো নেওচা দিও
ভিম চাবোনেৰে ধুই চাফা কৰা
কাহি খনক কিয় বাৰু লেতেৰা কৰো...
জ্বলকীয়া জ্বলা যে মোৰ মাংসৰ ভাজি
সেহাই সেহাই আছো পেগ টানি...
বেদনা বেদনা মোৰ ভাল পোৱা
১০ টকাৰ চানা আৰু পিয়াজ এপোৱা...
মন যায় মোৰো মন যায়
মন যায় মোৰো মন যায়
সুখী হৈয়ে ৰোৱা মই অবিহনে
এতিয়া মোৰ যে মালৰ নিছা
লাহে লাহে পেগ বঢ়াই দিলো
মদে খাব ধৰা মোৰ দেহা
কিনো হ’ল সপোন সপোনেই ৰ’ল
তোমাৰ ল’ৰাই মোক মামা কৈ গ’ল
মন যায় মন যায় মন যায়
এটা কোৱাটাৰ বেছিকে খাবৰ মন যায়য়য়,,,
দাৰা দিৰি দাৰে দাৰে দি .
দাৰা দিৰি দাৰে দাৰে দি.
খোলা খুলিকে কবলে
লাহে লাহে চুমা দিবলে
কাষে কাষে দেটিং মাৰিবলে
মন যায় মোৰো মন যায়
মন যায় মোৰো মন যায়
তোমাক দেখা পালে সপোন জাগি
উঠে বুকু খনি হয় তাজমহল
তুমি গুছি গ’লে সপোন ভাগি থাকে
প্লেটত চানা আৰু সমুখত বটল
সমুখত যেতিয়া তোমাক দেখো
জ্বলা চিগাৰেট মুঠিতে ৰাখো
মন যায় মোৰো মন যায়
মন যায় মোৰো মন যায়
টুকুৰা টুকুৰা ভাজি পিলেটত দিয়া
মাংসক কি দৰে নো নেওচা দিও
ভিম চাবোনেৰে ধুই চাফা কৰা
কাহি খনক কিয় বাৰু লেতেৰা কৰো...
জ্বলকীয়া জ্বলা যে মোৰ মাংসৰ ভাজি
সেহাই সেহাই আছো পেগ টানি...
বেদনা বেদনা মোৰ ভাল পোৱা
১০ টকাৰ চানা আৰু পিয়াজ এপোৱা...
মন যায় মোৰো মন যায়
মন যায় মোৰো মন যায়
সুখী হৈয়ে ৰোৱা মই অবিহনে
এতিয়া মোৰ যে মালৰ নিছা
লাহে লাহে পেগ বঢ়াই দিলো
মদে খাব ধৰা মোৰ দেহা
কিনো হ’ল সপোন সপোনেই ৰ’ল
তোমাৰ ল’ৰাই মোক মামা কৈ গ’ল
মন যায় মন যায় মন যায়
এটা কোৱাটাৰ বেছিকে খাবৰ মন যায়য়য়,,,
দাৰা দিৰি দাৰে দাৰে দি .
দাৰা দিৰি দাৰে দাৰে দি.
Wednesday 21 August 2013
"গোপাল মাথো এটি নাম নহয় ই এক নতুন চৰিত্র"
______________________________ ____
এটা নতুন চৰিত্রই মোৰ কথা লিখ, মোৰ কথা লিখকৈ কামোৰ দি আছে কেইদিনমানৰ পৰা
। নাম তাৰ “গোপাল” । আমাৰ থুলুকৰ একেবাৰে লংগৌটিয়া য়াৰ । দেখাই শুনাই কামে
কাজে স্বভাৱ চৰিত্রই থুলুকৰ সতে অবিশ্বাস্য ভাবে মিল আছে । সৰুৰে পৰা
দুয়োৰে নাম দৌ আত্মা এক টাইপ বন্ধুত্ব একদম । দুয়োৰে মাজত পার্থক্য মাথো
এটাই থুলুক জনমে মৰণে চিৰদিন অসমীয়া হোৱাৰ বিপৰীতে গোপাল পশ্চিমীয়া ভাষা
সংস্কৃতিৰ তীব্র অনুৰাগী । বিশেষ কৈ ইংৰাজ আৰু ইংৰাজী ভাষা সংস্কৃতিৰ ।
পাৰিলেও নোৱাৰিলেও ছোৱালী বোৰৰ দৰে সিও ইংৰাজী ভাষাটোকহে ষ্টেটাছ চিম্বল
হিছাপে মানে। তাৰমতে ইংৰাজী ক’ব নোৱাৰা জন বোলে ইচমার্টেই নহয়। তাকো জিভাত
ইংৰাজী চুইং কৰাব পাৰিব লাগিব। সিও সদায় জিভা খন ইচটাইলত পকাই চুইং কৰাই
কৰাইহে ইংৰাজী কয় । এই ক্ষেত্রত সি অত্যাধুনীকা লিহিৰি পতিয়া অচাম দেশৰ
গার্ল বিলাককহে বেছিকৈ ফল’ কৰে ।সেয়ে লগৰ আকাশক মাতিলে “হেই আকাচ” বা
প্রিয়ংকাক আকৌ “হেল্ল প্রিয়াংকা এই ফালে শুনা না পিলিজ”, সঞ্জীবৰ কথা ওলালে
আকৌ “চনজিভক যে চিমাই ইম্মান লাভ কৰে কি ক’ম তোমালোকক ” , ৰিক্সাত উঠি
ব্রইলাৰ আনিব গ’লে কয় “মই জানা আজি ৰিকিত উঠি ৰাজগড়ৰ পৰা চিকি আনিব গৈছিলো”
, অলু পিতিকা ভাত খোৱাৰ দিনা ক’ব “আজি দিনাৰত জানা স্মেছ পটেট’ আৰু বেকড
ৰাইছ আছিল ” বুলি কয়। তাৰ এই ইংৰাজী মিহলি অসমীয়া শুনিলে কিবা ভাত খাওতে
শিল চোবোৱাৰ দৰে লাগে । আৰু এইদৰে জিভাত মৰণা মাৰি মাৰি সৰুৱাই দিয়া
ইংৰাজীৰ মাজত চেপা খাই যোৱা অসমীয়া শব্দ কেইটালে বাৰুকৈয়ে সমবেদনা ওপজে ।
সিহতে যেন চিঞৰি চিঞৰি ক’ব খুজিছে হে প্রভু ইংৰাজীৰ চেপাত উশাহ বন্ধ হও হও ।
আমাক এই থেকা খুন্দাৰ পৰা স্বাধীনতা দিয়া ।
আজি সেই গোপালৰেই কেইটিমান সৰু সৰু কাহিনী ক’ব ওলাইছো ।
১)
তেনেকুৱা ইচমার্ট ইংৰাজীৰেই সি বহু চেষ্টাৰ মুৰত “আছা বৰুৱা”(আশা বৰুৱা)
নামৰ ছোৱালী এজনী ফেছবুকতেই তাৰ প্রতি আসক্ত কৰালে । এটা সময়ত ফোন নাম্বাৰো
অদল বদল হ’ল ।সুবিধা বুজি এদিন সি কেটৰীণা কাইফৰ প্রফাইল পিকচাৰ লগাই ৰখা
আছা বৰুৱাক তাক লগ ধৰিবলে সৈমানো কৰালে । আনকালে চুলি কাটাবলে গৈ ২০ টকাতো
দৰদাম মৰা গোপালে ২০০ টকা দি পার্লাৰত চুলি কটাই ড্রীম গার্ল আছা বৰুৱাক
লগ ধৰিবলে গ’ল । যথা সময়ত ৰেষ্টুৰেন্টৰ বিশেষ টেবুলত বহি বিশেষ কোনোবা
আহিলেই ৱেইটাৰক মাতি অর্ডাৰ দিয়ালৈ ৱেইট কৰি ৰ’ল । তেনেতে আছাই এন্ট্রি
মাৰিলে। সি গম পাইছে যদিও সেইফালে চোৱা নাই বুকুত কিন্তু চিবমনিৰ ড্রামচেট
“ধিছ ধিছ ধি ধিছ ধিছ ধিছ”। ইফালে আছা আহি তাৰ সমুখত। তাক মাত দিলে “হেই আৰ
ইউ গপু মিনছ গোপাল?” গোপালে লাজ লাজ চকু তুলি চালে,তাৰ চকু ডাঙৰকৈ মেল খাই
পউজ হৈ ৰৈ গ'ল।এইয়া কি ?কেটৰীণা কাইফ হেন আছা বৰুৱাৰ ঠাইত দেখোন মেকআপেও
ধুনীয়া কৰিব নোৱাৰো বুলি হাত ডাঙি দিয়া কোনোবা অতীতত কৈও অতীব সুন্দৰী
ৰমনী। লেপি লেপি লোৱা চকুৰ কাজল দেখি সি এইবাৰ অসমীয়াতে ভাবিলে “ তুমি
দুচকুত কাজল ল’লে তিনি টেমা কাজলে ইহলীলা সম্বৰণ কৰে” । কোনো মতে নিজকে
চম্ভালি ক’লে “ অ য়াহ ইটছ মি গোপাল । ইউ আছা ন ?” তাই হয় বুলি মুৰ জোকাৰি
সমুখৰ আসন ল’লে । সি কি নকৰো কি কৰো কৈ ৱেইটাৰটোকে মাতিলে । মেনু খন
খুজিবলে গৈ সি মেনু শব্দতো পাহৰি গৈ ক’লে “ হেই ৱেইটাৰ যোৱাচোন চিলেবাছ খন
লৈ আহা কিবা এটা খাবলে অর্ডাৰ দিও ” । বছ আৰু কিটো হ’ব আছাই তাৰ আশাত এনে
বৰফ ধালিলে যে সি চব পাহৰি গ’ল কোনমতে সময় পাৰ কৰি তাৰ পৰা এনেকৈ পলাল যে
পিছলে এবাৰো ঘুৰি নাছালে আৰু ।
২)
এসময়ত সৰুতে সি গাৱত
থাকোতে লগৰ কেইটা মান মাতি বুট মাহ নাৰিকলেৰে জন্মদিন পতিছিল । পিছে এইবাৰ
সি ইচমার্ট + আধুনিকটি হৈ বেলুন লগাই কাগজৰ টুপি পিন্ধি তাৰ নাম লিখা কেক
কাটি হেপি বার্থ দে টু ইউ গাই হে জন্মদিন পাতিলে । দুপইছা ভালকৈ খৰছো হ’ল ।
নতুন ইচটাইলটোত সি মন কৰিলে যে কেকটো কাটি খুৱাই ভগাই দিয়াৰ পিছত লগৰ বোৰে
ইটোৱে সিটোক কেকৰ ক্রিম বোৰ মুখত সানি দি ধেমালী কৰে । আন এটা বার্থদেটো
খাবলে গৈও একেই পৰিবেশ । গ’ল কথা গুছিল মাথো কথাটো সি মনত ৰাখি থ’লে ।
এদিনৰ কথা আছাৰ পিছত এইবাৰ সি চঞ্জনা নে চজিনা নামৰ এগৰাকীক লগ কৰিব গ’ল।
এইবাৰ আকৌ অৰিজিনেল পিকচাৰ থকা চাই লৈহে আগ বাঢ়িছিল দেই । চজিনাই ক’লে “গপু
দা বলানা আজি ভেনিলা পেষ্টি এটা এটা খাও ফিলিং খুব হাংগ্রি জানা” । বছ
ইমান মৰম লগা কৈ ক’লে কেনেকৈ নো নাখাও বুলি ক’ব পাৰে, সেয়ে সি দামী বেকাৰী
এখনত লৈ গ’ল । অর্ডাৰ দিয়াৰ লগে লগে পেষ্টি আহিল দুয়ো চমুছ লৈ ইচটাইলত খাব
ধৰিলে । তেনেতে তাৰ মনত পৰিল বার্থদেৰ ক্রীম সনা কথাটো। সি খাই শেষ হোৱাৰ
আগতেই তাৰ পেষ্টিটোৰ ক্রীম খিনি দিলে নহয় চজিনাৰ মুখত সানি । ৰাজহুৱা ঠাই,
মানুহৰোও ভিৰ আছিল। লাজ পাই চজিনাৰো খং উঠিল হ’ব পাই । লাহি হাতৰ পৰশটো
সাজোৰে গালত বহাই “ইউ আনকালচাড আনএদুকেটেড আনচিভিলাইজড ভিলেজ পিপল” বুলি কৈ
উচাত মাৰি গুছি গ’ল। সি কি হ’ল নহ’ল তত ধৰিব নোৱাৰি তাই যোৱাৰ ফালে অভংটোৰ
দৰে হেবাং লাগি চাই ৰ’ল ।
৩)
এইবাৰ আকৌ তাৰ ঘৰুৱা প্রসংগ
এটালৈ আহো । ককায়েকে কিছু দিন আগতে বিয়া পাতিলে। বৌৱেক জনী আকৌ তাৰ দৰেই,
পশ্চিমীয়া সংস্কৃতিৰ বিৰাটেই অনুৰাগী। আহিয়েই দিমান্ড দিলে তেঁওক বোলে
এটাছটেড বাথৰুম লাগিবই লাগিব । ইফালে সিহঁতৰ গাওঁৰ পৰিবেশ । গাওঁৰ মানুহে
লেট্রিন বাথৰুম বোৰ ঘৰৰগাতে লাগি থাকিলে অশুচি হ’ব বুলি দুৰতে সাজে। আৰু
শৌছ কৰি গা নোধোৱাকে সোমাব নিদিয়ে । ককায়েকে বহুবাৰ বুজালতো নুবুজি বৌৱেকে
জেহাদ ঘোষনা কৰি দিলে । ক’লে দুদিনৰ ভিতৰত এটাচটেড নকৰিলে তেও বোলে ঘৰ এৰি
গুছি যাব। গোপালে ভাবিলে কেছটোতো বেয়া হৈছে বিয়াৰ পিছতেই ঘৰ এৰি গুছি গ’লে
ওচৰৰ মানহে কি বুলি ক’ব? তাহাতৰেইটো বদনাম হ’ব। সেয়ে পিছদিনা পুৱাতেই সিহতৰ
গাৱৰেই জলসিঞ্চন বিভাগৰ কার্য্যবাহী অভিযন্ত্রা সোনাৰাম শইকীয়াক বৰতাক
তেওৰ অফিছ ষ্টাম্প সহ বাইকত উঠাইলৈ আহিল । আহি ককায়েকক চিঞৰি চিঞৰ মাতি
ক'লে "দাদা তই চিন্তা নকৰিবি তোৰ বাথৰুম এটাচটেড কৰাৰ প্রবলেম চলভ কৰি দিম
আজি মই চাই থাক। এইয়া মই চোনাৰাম চইকীয়া আংকলক লৈ আহিছো। তেও বাথৰুমৰ ৱালত
এটাচটেড বুলি লিখি চহী মাৰি ষ্টাম্প মাৰি দিব। আৰু ভাবীক কৈ দিবি তেঁও যাতে
ঘৰ এৰি নাযায় ।"
বছ তাৰ পিছত কি হ’ল আৰু নুসুধিব দেই ।
Thursday 15 August 2013
*-----*-----“জয় হিন্দ” “জয় আই অসম”-----*------*
~~~~~~~~~~~~~~~~~~~~~~~~~~~~~~ ~~
১)
আন কোনো নহয় আমি
নিজেই নিজৰ শতৰু,
সমস্যা আহিলেই লাহেকৈ
গা এৰা দি আতঁৰো ।
বোকা চটিওৱাৰ খেলত
আমি অতিকে সিদ্ধহস্ত,
সমুখৰ জনলে দোষটো থেলি
নিজে হঁও সন্তুষ্ট ।।
এইবোৰ দেখি শুনিয়েই হয় মাথা গৰম,লাগে বৰকৈ চৰম
পিছে যিয়েই নওক পৰিস্থিতি যিমানেই নহওক কথা বিষম,
*-----*-----“জয় হিন্দ” “জয় আই অসম”-----*------*
২)
এই বোলে দুর্নীতিত পোত খোৱা চৰকাৰ
এই বোলে নেতা আমোলা চোৰ,
ভুল ক্রুটি অনিয়ম বেমেজালিৰ যেন
গাই থাকিলেও নপৰে ওৰ ।
ইফালে ভোটাধিকাৰ আকৌ
আমাৰ জন্মসিদ্ধ অধিকাৰ,
পিছে অধিকাৰ সাব্যস্ত কৰাৰ দিনা
ঘৰতেই উৎকন্ঠিত কোন বা হ’ব চৰকাৰ??
এইবোৰ দেখি শুনিয়েই হয় মাথা গৰম,লাগে বৰকৈ চৰম
পিছে যিয়েই নওক পৰিস্থিতি যিমানেই নহওক কথা বিষম,
*-----*-----“জয় হিন্দ” “জয় আই অসম”-----*------*
৩)
টিভিয়ে মেলে মিটিঙে ডাঙৰ ডাঙৰ ভাষন,
পেপাৰতো লিখে সাপ্তাহিক একলম,
শিশু শ্রম বন্ধ কৰক, ভেদা ভেদ পৰিহাৰ কৰক
সানক ইজনে সিজনক মৰমৰ মলম ।।
কিন্তু ঘৰ উভতি ন বছৰীয়া কণমানি কামলাৰ হাতৰ
চাহ কাপ খাই জীয়েকক দিয়ে গালি,
হেৰৌ কেচাইখাইতী তইনো বাৰু বংশৰ মান মর্য্যদা ডুবাবলে
সেই নিহকুলীয়া নীচ জাতিৰ ল’ৰাটোকহে পালি ??
এইবোৰ দেখি শুনিয়েই হয় মাথা গৰম,লাগে বৰকৈ চৰম
পিছে যিয়েই নওক পৰিস্থিতি যিমানেই নহওক কথা বিষম,
*-----*-----“জয় হিন্দ” “জয় আই অসম”-----*------*
৪)
চুকাফাৰ বৰ অসম আৰু শংকৰ মাধৱৰ
আশাশুধিয়া সংস্কাৰ সম্প্রীতিৰ গান,
লাচিত কনকলতা মুলাগাভৰুৰ লগতে
হাজাৰ হাজাৰ বীৰ শ্বহীদৰ ত্যাগ মূল্যৱান।
কিন্তু সকলো নিৰর্থক সকলো অসাৰ
নুবুজে কোনোও সেই ত্যাগৰ মূল্য,
কলিযুগৰ পাদুর্ভাৱত নিজতেই আমি ইমান মগন
যে হেৰুৱাইছো মানৱীয় প্রমূল্য ।।
এইবোৰ দেখি শুনিয়েই হয় মাথা গৰম,লাগে বৰকৈ চৰম
পিছে যিয়েই নওক পৰিস্থিতি যিমানেই নহওক কথা বিষম,
*-----*-----“জয় হিন্দ” “জয় আই অসম”-----*------*
৫)
এজাক সপোন যেন বৰষুন, আৰু
নর্দমাত প্রাণ পাই উঠে বানপানী,
ৰাজপথৰে গেলা পচা বোৰ ফেন ফুটুকা হৈ বৈ যায়
যেন সেইয়া মহানগৰীৰ সমুহীয়া চকুপানী ।
গালিত নিগৰে ক্ষোভ,চাল্লা নির্ষ্কমা পৌৰসভা
কটা নিষ্ক্রিয় প্রশাসন ,
পিছে নামানে কোনেও জাবৰ জোথৰ বোৰ
দাষ্টবিনত পেলোৱাৰ সামান্য অনুশাসন ।।
এইবোৰ দেখি শুনিয়েই হয় মাথা গৰম,লাগে বৰকৈ চৰম
পিছে যিয়েই নওক পৰিস্থিতি যিমানেই নহওক কথা বিষম,
*-----*-----“জয় হিন্দ” “জয় আই অসম”-----*------*
৬)
মই নিবনুৱা নাই মোৰ
চৰকাৰী চাকৰি,
বেকাৰ চৰকাৰ নাই কোনো এখন
আঁচনি দৰকাৰী ।
ইফালে পৰিলে পৰি ৰওক পিতাইৰ ঘামসনা
সেই তিনি পুৰাকৈ মাটি চন,
দৰকাৰ হ’লে চান্দা তুলি ফাংচন পাতি টকা ঘটিম
তথাপি নকৰো খেতি নালাগে তেনে স্বাৱলম্বন ।।
এইবোৰ দেখি শুনিয়েই হয় মাথা গৰম,লাগে বৰকৈ চৰম
পিছে যিয়েই নওক পৰিস্থিতি যিমানেই নহওক কথা বিষম,
*-----*-----“জয় হিন্দ” “জয় আই অসম”-----*------*
৭)
বোলো কাণে কাণে কথা এটা কও শুনা
‘তুমি মোক দিবা,ময়ো তোমাক দিম’
কোর্ট কাছাৰী অফিছ চাকৰি আনকি শিক্ষানুস্থানটো
এতিয়া এইটোৱেই অন্যতম থীম ।
এই দিয়া লোৱাটোৱেই দেশ খালে বুলি বকি বকি
টেবুলৰ তলে ওপৰে দিও যিমান পাৰো বাকি,
আৰু তেনেকৈয়ে প্রাপ্য জনক বঞ্চিত কৰি জ্বলাও
একমাত্র নিজৰ ঘৰৰ চাকি ।।
এইবোৰ দেখি শুনিয়েই হয় মাথা গৰম,লাগে বৰকৈ চৰম
পিছে যিয়েই নওক পৰিস্থিতি যিমানেই নহওক কথা বিষম,
*-----*-----“জয় হিন্দ” “জয় আই অসম”-----*------*
৮)
মোৰ দেশত ভোটাধিকাৰ সাব্যস্ত কৰিবলে আহিল
এজাক বিদেশী আলহী,
পিন্ধনত লুঙী মুৰত টুপি ফেন্সিং পাৰ হৈ
চুচৰি আঠুকাঢ়ি ।
মোৰ এলাহে এঙামুৰি দি সিহতক
দিলে দুবেলা দুসাজ,
চাওতে চাওতে সিহতে যো যা কৰিছে
কৰিবলে আমাৰ ওপৰত ৰাজ ।।
এইবোৰ দেখি শুনিয়েই হয় মাথা গৰম,লাগে বৰকৈ চৰম
পিছে যিয়েই নওক পৰিস্থিতি যিমানেই নহওক কথা বিষম,
*-----*-----“জয় হিন্দ” “জয় আই অসম”-----*------*
৯)
নেতা হোৱাৰ আশাত ইটোৰ পিছত সিটোকৈ সংগঠন খুলি যা
কিয়নো দেখাক দেখি উঠে আমাৰ গা,
সমাধানৰ নামত এসাগৰ শূণ্যতাৰে
নিজৰ মুৰবোৰ নিজে নিজেই খা।
আন্দোলন অন্নশন, বন্ধ হৰতাল, হত্যা হিংসাত
দিশহাৰা অর্থনীতি, সংকটত সমুহীয়া জীৱন,
দাম দৰ মাৰি নিজৰ পকেট গৰম হ’লেই
পলাই পতং দিয়ে এনে বহু দেশ উদ্ধাৰৰ উদাহৰণ ।।
এইবোৰ দেখি শুনিয়েই হয় মাথা গৰম,লাগে বৰকৈ চৰম
পিছে যিয়েই নওক পৰিস্থিতি যিমানেই নহওক কথা বিষম,
*-----*-----“জয় হিন্দ” “জয় আই অসম”-----*------*
১০)
আমি নিজকে চিনি নোপোৱা এক
মুখা পিন্ধা মেৰুদণ্ডহীন জাতি,
আনক অনুকৰণ কৰোতে কৰোতে
পাহৰিছো নিজৰেই খোজটি ।
মাথো আলোচনা সমালোচনাতেই
শেষ হয় সকলো,
সময় নাই কাৰো আনৰ দুখত
টুকিবলে এটুপি চকুলো ।
মই কেনেকৈ সুখত থাকিব পাৰো তাৰ চিন্তাত
মই আজি মোক লৈয়ে ব্যস্ত;
জহন্নামে যাওক এই দেশ দুনীয়া তাত মোৰ কি আহে যায়
মিছাই কিয় কৰো মাথা নষ্ট ।।
এইবোৰ দেখি শুনিয়েই হয় মাথা গৰম,লাগে বৰকৈ চৰম
পিছে যিয়েই নওক পৰিস্থিতি যিমানেই নহওক কথা বিষম,
*-----*-----“জয় হিন্দ” “জয় আই অসম”-----*------*
Monday 12 August 2013
" প্রেম.... থিক ট্রাকৰ পিছফালে "
_______________________
১)
মই বাৰু কৰো কি
তোৰ কাজল কাজল দুচকুৰ এসাগৰ মৰমে
হাম কৌ কবকা মাৰ দালা,
কিন্তু কি জগৰ লগালো জানো! তোৰ মাৰে মোক দেখিলেই কয়
“ বুৰি নজৰ ৱালে তেৰা মুহ কালা ” ।।
২)
মোৰ প্রেমৰ তুমিয়েই পাষ্ট তুমিয়েই প্রেজেন্ট
আৰু তুমিয়েই ফিউচাৰ টেন্স,
চেলিমদাৰ চাইকেলৰ আগফালে উঠিলেই কিয় বাৰু কোৱা
হেই ইউ গাৱলীয়া ল'ৰা প্লিজ “ কিপ দিষ্টেন্চ ” ।।
৩)
তোমাকেই নায়িকা সজাই বহাগতে ভাবিছিলো
দিম আমাৰ ঘৰ সংসাৰখন ৰিলিজ,
পিছে এইবাৰ নগেন দাৰ নেন’ত উঠি মোৰ বাজাজ চুপাৰক
ভেঙুচালি কৰি কোৱা “ হর্ণ অ’কে পিলিজ ” ।।
৪)
তুমিয়েই সপোন দিঠক তুমিয়েই জীৱন মৰণ
নতুনৰ আৰম্ভনি কৰিম চুই তোমাৰ দেউতাৰ চৰণ,
পিছে এইবাৰ হৰেন দাৰ হুণ্ডা চিটিৰ আগফালে উঠি
আকৌ এবাৰ ভেঙুচালি কৰি কোৱা হেইৰা প্লিজ “ ব্ল’ হর্ণ ” ।।
৫)
যিমানেই নহওক ঘাট প্রতিঘাট
যিমানেই হওক বাদ বিসম্বাদ,
তোমাক খাটাং নিজৰ কৰিমেই কৰিম
কিয়নো মেৰ পাছ হে “ মা কা আর্শীবাদ ” ।।
৬)
সেয়ে কঁও
মই লেফ্ট তুমি ৰাইট দুয়ো মিলিলে আমাৰ ফিউচাৰ ব্রাইট
মাজে মাজে আকৌ চলিব মিঠা মিঠা ফাইট,
পিছে সময় পালে ফেছবুকত আপদেট এটা দি দিবা চোন
যে “ ইউজ ডিপাৰ এট নাইট ” ।।
(বি: দ্র: ->মানে তোমাৰ 'গুড মর্ণিং'টোতে ১০০০ মান লাইক আহে ট’ । সেয়ে
মাজতে কামত অহা মেচেজ এটাও দি দিবা আৰু সমাজৰ উপকাৰ হ'ব । আন নহ'লেও তোমাৰ
আপদেট গৈ নাপাওটেই কমেন্ট দিয়া সেই চেনী কেইটাই অন্তঃত তুমি বেয়া নাপাবৰ
বাবেই ৰাতি ডিপাৰ ইউজ কৰিব )
Wednesday 7 August 2013
:: ইন্টাৰনেটৰ পিঠিত গাঁঠি দিলো ইউনিকোডৰ চিঠি খনি ::
:: ফেছবুকৰ পিঠিত গাঁঠি দিলো ইউনিকোডৰ চিঠি খনি ::
------------------------------ ------------------------------ ---
প্রতি
দুই নং ছাত্রবাসৰ চুপাৰ চাৰ
বিষয় : কেইটিমান অকপট স্বীকাৰোক্তি তথা এধানি ক্ষমা প্রার্থনা ।
শ্রদ্ধাৰ চাৰ,
পোন প্রথমে নমষ্কাৰ গ্রহণ কৰিব । মৰম ল’ব, আর্শীবাদ দিব । এই
মুহুর্তত যদি মই কোনে কৈছো (?) ধৰণৰ ভাব এটাই আপোনাক আমনি দিছে । তেনেহ’লে
তাক একাষৰিয়া কৰি থৈ দিয়ক । বিশেষ ভাবিব নেলাগে । মই আন কোনো নহয় । উতলা
যৌৱনৰ বা লাগি মতলিয়া হৈ এসময়ত অতিশয় উৎপাত দুষ্টামি বদমাছিৰে আপোনাৰ চুলি
থিয় কৰি দি হাজাৰ বাৰ গালি খাই, দহ বাৰ বাৰকৈ লাষ্ট ৱার্ণিং পাইয়ো নিজকে
অকনো সলনি নকৰাকৈ ৰখা, আন দহজনৰ দৰে ময়ো এজন মই আপোনাৰ ছাত্রবাসৰেই
প্রাক্তন আৱাসী । চাৰ হোষ্টেল এৰা আজি বহুবছৰেই হ’ল । আপোনাকো লগ নোপোৱাও
বহু দিনেই হ’ল । পিছে মাজে মাজ উপলব্ধিৰ সীমনাত বহি এটাই ভাৱ আহে মনলে ।
পাকিস্থানী ৰাষ্ট্রপতিৰ বাবে তালিবান মুৰৰ কামোৰণি হৈ পৰা দি , সেই তিনিটা
বছৰত আমি বোৰ আপোনাৰ বাবে মুৰৰ কামোৰনি হৈ পৰিছিলো । আপোনাক জোকাই জ্বলাই
বৰকৈ সোৱাদ লৈছিলো । তাৰ বাবে এই মুহুর্তত অন্তৰেৰে অত্যন্ত দুখ প্রকাশ
কৰিছো ।
বচা বচা কেইটিমান অকপট স্বীকাৰোক্তি :
এক)
হয়
চাৰ আপুনি থিকেই ধৰিছে আপোনাৰ বাথৰুমৰ পৰা যে প্রায়েই চাবোন,চেম্পু,চেভিং
ক্রীম, ৰেজৰ, ব্লেড বাৰণ্ডাৰ বাল্ব যে হেৰাই তাৰ আঁৰত আমাৰেই প্রত্যক্ষ হাত
আছিল । আনকি ধুই শুকুৱাবলে মেলি থোৱা আপোনাৰ বাইদেউৰ নতুন শাৰীখনৰ চুৰি
কার্য্যটোও আমাৰ দ্বাৰাই সংঘটিত । আচলতে নাটক চাটক আদি কৰিলে লাগি থাকিব
পাৰে বুলি কৰা আমাৰে দুৰদর্শী চিন্তাৰেই ফচল সেইয়া ।
দুই)
নতুন ল’ৰা সোমালেই যে কেতিয়াবা মাজ নিশা, কেতিয়াবা পুৱতি নিশা লোহাৰ ৰডৰ
থেলেং থালং শব্দৰ লগতে জুনিয়ৰৰ গালত চৰ মৰাৰ দৰে চেটেপ চাটাপ শব্দবোৰ শুনি
আপুনি শোৱা পাতিৰ পৰা বেত এডাললৈ দৌৰি আহিছিল । সেইয়া আচলতে কোনো ৰেগিংৰ
শব্দ নাছিল । মাজনিশা আপোনাৰ টোপনি ভাঙি ৰং চোৱাৰ হেঁপাহত আঠুৱাৰ ষ্টিক
পকাত পেলাই আৰু বাটা চেণ্ডেলেৰে বাৰাণ্ডাৰ খুটাত জোৰ জোৰকৈ কোবাই কৰা
শব্দহে আছিল । আপুনি যেনেকৈ আছে তেনেকৈ দৌৰি আহি কোন কোন বুলি চিঞৰি গোটেই
খন ইফালে সিফালে চাই একো দেখা নাপাই, খংত মুৰ খজুৱাই খজুৱাই ঘুৰি যোৱাৰ
দৃশ্যই বৰ আমোদ দিছিল । সেয়ে আপুনি উভতি ঘৰ পোৱাৰ লগে লগে আকৌ থেলেং থালাং
আৰু চেটেপ চাটাপ শব্দ কৰাইছিলো ।
তিনি)
চাৰ আপোনাৰ সহকর্মী
তথা চুবুৰীয়া বৰা চাৰৰ বাইদেৱে বৰ মৰমেৰে পোহা কুকুৰা কেইজনী আৰু হাঁহ
কেইটাক সিহঁতৰ শোৱাপাটীৰেই পৰা অপহৰণ কৰা তথা সিহতৰ নৃশংস হত্যাৰ বাবে
আমিয়েই একমাত্র দায়ী । সিহতৰ লাচটো বাদেই হাড়কেইডালো পোৱা নগৈছিল ।কিয়নো
সেইবোৰ পিছদিনা পচন সাৰ হৈ মিলি গৈছিল লেত্রিনৰ টেংকিত । পাখি খিনি গার্লচ
হোষ্টেলৰ পিছ ফালে পেলাইছিলো যাতে কোনোধৰণৰ ক্লু পোৱা নাযায় । আমাৰ মাজত
ইমান একতা আছিল আমি দুজনে মিলি অপহৰণ কৰিছিলো যদিও হত্যাকাণ্ডৰ ভাগ আমি
সকলোৱে সমানে ভগাই লৈছিলো । তাত আমাক মুখ্য ৰান্ধনী দতুৱা বর্মণেও আদা নহৰু
মা মচলাৰে পুর্ণসহযোগ আগবঢ়াইছিল ।
চাৰি)
আপোনাৰ পদুলিত যে
মাজে মাজে পুৱা গোটেই খন প্রেস্বাব প্রেস্বাব গোন্ধাইছিল সেইয়া আছলতে এক
বিশষ ধৰণৰ প্রতিযোগীতাৰ চাইড এফেক্ট । যিদিনাই নিশা ৰাইজৰ সেইবিধ জোখতকৈ
অলপ বেছি হ’য় সেইদিনাই
“ কোনে কিমান জোৰত মুতি কচুপাত ফালিব পাৰে ”
নামৰ প্রতিযোগীতা খনি অনুষ্ঠিত কৰা হয় । আৰু দুর্ভাগ্যৰ কথা যে তাৰ বাবে
প্রতিবাৰেই আপোনাৰ গেটৰ কাষৰ ক’লা কচুগছ কেইজোপাকেই লক্ষ্য হিচাপে লোৱা
হৈছিল । ফলশ্রুতিত এলকহল মিশ্রিত প্রেস্বাবৰ গোন্ধত পুৱাই পুৱাই আমোল মোল
হৈছিল আপোনাৰ পদুলি ।
পাঁচ)
আপোনাৰ সহকর্মী শইকীয়া চাৰৰ
জীয়েক পল্লৱীক যে মাজতে বীৰাই পাইছিল বুলি ওলাওছিল ! সেয়াই আচলতে বীৰা চিৰা
নাছিল । তাৰ আঁৰটো আছিল আমাৰেই প্রতিশোধৰ জুইত জ্বলি উঠা এটি জ্বলন্ত
ষড়যন্ত্র । কাৰণ ছাত্রবাসৰ ৪ নম্বৰ ৰুমৰ ৱালত যাৰ নাম আজিও ৰাজা দাৰ
গার্লফ্রেণ্ডে এৰি যোৱা লিপষ্টিকেৰে লিখি ৰখা আছে । যি মাথো এটি নাম নহয়
তেও এটি ইতিহাস । প্রেম বুলিলে যাৰ কথাই পোনচাতেই মনলে আহে । তেঁও হৈছে
আমাৰ আটাইৰে চিনাকী ৰমিঅ’ জুলিয়েটৰ অশা-মিছ ৰমিঅ’ শ্রীমান লালু দা । তেঁও
এবাৰ ডাড়ি কাটোতে গালত বাহৰ পাতি থকা কেইটিমান নিৰীহ শালমন কাট খাইছিল । আৰ
ৰমিঅ দাদাই সুবিধাতে শালমন কেইটাই নিজ প্রাণ ত্যাগ কৰি বুকুৰে নিগৰোৱা
তেজেৰে প্রেম পত্র এখন লিখিয়েই পেলালে । পিছে মৰতী পল্লবীয়ে নিষ্ঠুৰ
নিদাৰুন ভাবে সেইখন ফালি লালু দাৰ মুখত মাৰি দিয়াত সেই প্রতিশোধৰ জুই কুৰা
শান্ত কৰিবৰ বাবেই চলিছিল সেই ষড়যন্ত্র । তাইৰ ঘৰৰ টিংত পুৱা গধুলী বা গভীৰ
নিশা মনে মনে শিলগুটি দলিয়াইছিলো । ৰাতি হ’লে ভেন্টিলেটৰেদি কণীৰ চোকোৰা
খেৰ নখ শুকান বন তাইৰ ৰুমত পেলাই দিছিলো । খিৰিকিৰ কাষত বহি পঢ়ি থাকোতে ডাঠ
কাগজেৰে বনোৱা ক’লা হাত ভৰাই ভয় খুৱাইছিলো । বীৰাৰ চিৰা দৈ ওৰটো এইটোহে
আছিল আচলতে ।
ছয়)
সেয়াটো সেইয়াই কর্মাচৰ ওচৰৰ ফার্ণীচাৰ
খন,চান্দমাৰী বচষ্টপৰ কলিতা হোটেল , ইউ টার্ণৰ ডিলাইট বাৰ এই সকলোবোৰ ভঙাৰ
সম্পূর্ণ দায়িত্ব আমি অকপটে স্বীকাৰ কৰিছো । বেচেৰা হ’তৰ কোনো দোষ নাছিল
গাত । খাই বৈ পইছা দিব নোৱাৰাৰে বাবে কিবা কিবি কোৱাত, চান্দমাৰীত আমাক
কিবা ক’বলে কোন চাও হোষ্টেলত ফোনলগা বোলা ইগ’টো বেয়াকৈ হার্ট হোৱাৰ বাবেই
হৈছিল সেই ধংস যজ্ঞ ।
সাত)
আৰু যে চাৰ সেই যে ইঞ্জিনিয়াৰিং
মেকানিক্সৰ পৰীক্ষাৰ আগদিনা মাজৰাতি মোক আৰু গুটিক কলেজৰ ফালৰ পৰা আহি
থাকোতে লগ পাইছিল । মই যে গুটিয়ে ৰাতি টোপনিত খোজ কাঢ়ি ইমান দুৰ পালেহি
ওভোটাই নিবলে অহা বুলি কৈ শপত খাইছিলো । চাৰ সেইয়া মিছা আছিল । আমি খৱৰ
পাইছিলো পেপাৰ লিক হৈছে বুলি । সেয়ে কাকো নোকোৱাকৈ দৌৰা দৌৰিকে গৈছিলো
সুবিধাটো ল’ও বুলি । পেপাৰ পালো ৰাতিতে লাচিতে গড় বন্ধাদি উজাগৰি নিশা কটাই
পুৱাৰ বাবে ১০০% সাজুও কৰিলো । পিছে পৰীক্ষা হ’লত গৈ চকুহাল ওলাই পৰিল ।
একোৰে একো মিল নোপোৱাত চকুৰে জ্বলা কলা দেখিলো । ভাগ্য ভাল সেই চাবজক্টত
মোটামুটি ভালেই আছিলো বাবে কোনোমতে শেষ ৰক্ষা কৰিব পাৰিলো আৰু । সেইদিনাই
শপত খালো এইবোৰৰ পাল্লাত নপৰো কাহানীও বুলি।
আঠ)
মেডাম-মেফিৰ
দিনা বৰাগাঁৱৰ পৰা অনা জীয়া নোদোকা গাহৰি দুটা বাহ দুডালত দুভাগে বান্ধি
ওলোটাই সমদল উলিওৱাৰ দিনা ,আপোনাৰ কোৱাটাৰৰ সমুখত মৰিয়াই মৰিয়াই গু ওলাই
যোৱাকৈ চিঞৰোৱাইছিলো যে । সেয়া মেডাম-মেফিৰ কোনো লগত জড়িত নিয়ম নাছিল । বৰং
সেয়া আছিল আপুনি হোষ্টেলৰ মেছত গাহৰি ৰান্ধিব তথা খাবলে নিদিয়াৰ
গনতান্ত্রিক প্রতিবাদহে ।
ন)
অ আৰু এটা কথা মনত পৰিছে মোক কি
ভাবি কি বিশ্বাসত এন্টি ৰেগিং কমিতিত ৰাখিছিল নাজানো । মই কিন্তু আপোনাৰ
বিশ্বাস এচিকুটমানো ৰাখিব নোৱাৰিলো । কাৰণ মই ৰেগিং কৰাৰ ৰেংকিঙত সদায়
ওপৰফালেই থাকিম চাগে । উদাহৰণ স্বৰুপে
ক/ মোৰ ১১৮ জনী পত্রবান্ধৱীৰ
সতে ছমাহ মান জুৰি হোৱা ভাৱৰ আদান প্রদানত যিমান চিঠি মোৰ ফালৰ পৰা গৈছিল
গোটেই কন্ট্রেক্টতো তিনিটা চিংৰাৰ বিনিময়ত হাতৰ আখৰ ভাল বাবে আক্রমন দত্তই
পাইছিল ।
খ/ ইফালে কবিতা ভাল পোৱা গুঞ্জনৰ আগত দিনটোত গড়ে তিনিটাকৈ স্বৰচিত কবিতা আবৃতি কৰিছিলো ।
গ/ বেষ্ট চিংগাৰ পোৱা অভিনৱক মন গ’লেই মাতি আনি মই অ’ৰ ত’ৰ পৰা সুৰ চুৰ
কৰি জোৰা টাপলি মৰি বকাসুৰ নৰকাসুৰত নতুনকে বনোৱা অৰিজিনেল গানবোৰ ৰাগ টানি
টানি শুনাইছিলো ।
ঘ/ কথা নাই বতৰা নাই যেতিয়াই তেতিয়াই পঢ়ি থকা
জোতিষৰ পঢ়া টেবুলৰ কাষত আৰু ৰুমৰ আগত গাইপতি একোডলাকৈ জেওৰা খুটী দি , মুৰত
নাৰিকলৰ টোকোৰা পিন্ধাই দুটা দুটা চাৰিটাকৈ গাওৰক্ষী বাহিনীৰ চিকিউৰিটি
ৰাখিছিলো । যাতে তাক পঢ়াত কোনেও আমনি দিব নোৱাৰে । অর্ডাৰ দিয়া আছিল কোনোবা
আহিলেই সিহতে “ দি দি দি দি দি দি দি দি ধিচ ধিচ ধিচ ধিচ ধিচ ধিচ” বুলি
পকাত বাগৰিলৈ গুলি চলাই দিয়ে ।
ঙ/ ইফালে ৰাতিৰ সাজৰ বাবে ডাইনিং হলত
খোৱাৰ সময় হ’লেই মৰা বেলটো খুলি নি ষ্টৰৰুমত পেলাই দিছিলো । তাৰ পৰিবর্তে
ভাতৰ সময় হ’লে ছোৱালীৰ সতে চেনী খাই ভাল পোৱা কল্যাণক সি চেনী খোৱা ছোৱালী
বোৰৰ নাম লৈ লৈ “মই আমুকক ভাল পাও” বুলি চিঞৰিবলে লগাই দিছিলো । চর্ত আছিল
একেজনী ছোৱালীৰ নাম সপ্তাহটোত ৰিপিট হ’ব নোৱাৰিব । আৰু ন বাজো বাজো হ’লেই
সকলোৱে ডাইনিং হললৈ যাবৰ বাবে তাৰ চিঞৰলে অপেক্ষা কৰিছিল ।
চ/ আৰু যে
কালিয়া কালিচৰণৰ লাহনে সেই যে শেষবাৰৰ বাবে গা কেতিয়া ধুইছিল মনত পেলাব
নোৱাৰা ল’ৰাটো । সি এমাহৰ মুৰত যেতিয়া কাপোৰ যোৰ খোলে । পিন্ধোতে কি কালাৰ
আছিল পাহৰি যোৱাৰ অপৰাধত সেই কাপোৰ বোৰ তাৰ নিজ হাতেৰেই জ্বলোৱাই হোষ্টেলৰ
সকলো ম’হ খেদাইছিলো । পিছে কি হ’ল জানো সি তাৰ পিছৰে পৰা ৰেগুলাৰ গাধুবলে
ল’লে দেখোন ।
শেষত এধানি ক্ষমা প্রার্থনা :
অ চাৰ গার্লছ
হোষ্টেলৰ ছোৱালী মখা আহিলে “ম’ৰা চৰাই পাখি পিন্ধি কাউৰিয়েও মাৰেহি ফিটাহি ”
বুলি বাৰণ্ডাত ৰৈ গোৱা সমবেত সংগীতকে ধৰি ওচৰৰ মানুহৰ কল কুহিয়াৰ চুৰি
কৰা, বৰকৈ ফুতনি মাৰি থকা ৰহমান চাৰৰ কোৱাটাৰৰ আগফালে তেওৰ নাম্বাৰটো দি
'টু লেট' লিখি অহা লৈকে বহু কিবা কিবি বদমাছি কৰি আপোনাৰ ভালেখিনি বি পি
আৰু চুগাৰ বঢ়ালো । ভেচমল কেচকালা লগাবলে বাধ্য কৰালো । তথাপিও আপুনি
তাহানিও শ্রদ্ধাৰ আছিল আজিও শ্রদ্ধাৰ হৈ আছে আৰু আগলৈও শ্রদ্ধাৰেই হৈ থাকিব
। আজি ইমান বছৰৰ পিছত কিয় জানো আপোনাক ক্ষমা খুজিব মন গ’ল । কিয় জানো ইমান
বোৰ লটি ঘটিৰ পিছতো আপুনি সদায় চাবজেক্টতৰ ভাইভাত হোষ্টেলৰ প্রতিজন ল’ৰাকে
কৰা সহায় আৰু বিপদে আপদে পা পইছা দি কৰা উপকাৰৰ বাবে আপুনি সদায় আমাৰ
শ্রদ্ধাৰ চুপাৰ চাৰেই হৈ থাকিব । আপুনি কোৱা প্রতিটো উপদেশ আজি আমাৰ
বাৰুকৈয়ে কামত আহিছে । চাৰ জানো যে আপুনি সেই দুষ্টামি বোৰ একো ধৰি নাথাকে
তথাপিও কও চাৰ সেইয়া আমাৰ উতনুৱা যৌৱনৰ নির্দোষ ধেমালি বুলি ভাবি পাহৰি যায়
যেন । অজানিতে কৰা আন যিকোনো ভুলৰ বাবে আজিও ক্ষমা পার্থী । ভগৱানে আপোনাক
সুস্বাস্থ্য দিয়ক আৰু দীর্ঘায়ু কৰক । আমাৰ হোষ্টেলৰ বডী বিল্ডাৰ কেকাইক
পাঞ্জাত হৰুৱা দি সকলো আপদ বিপদক হেলাৰঙে হৰুৱাই যাওক ।
শুভকামনাৰে
প্রান্তত...
আপোনাৰ ছাত্রাবাসৰ তাহানিৰ এজন চয়তান আবাসী
Subscribe to:
Posts (Atom)